Anzur Ismoilov "DINAMO"da!

Bugunda Xitoyning "CHanchun Yatai" jamoasi sharafini himoya qilayotgan terma jamoamiz himoyachisi faoliyatini Toshkentning "Traktor" klubida boshlagan edi. 

12 yil ichida Anzur "Traktor"dan terma jamoagacha bo'lgan ancha uzun yo'lni bosib o'tdi. Keling, suratlar orqali buni yodga olamiz.

2003 yil "Traktor" safida oliy ligada debyut qilgan Ismoilov birinchi davrada ikkita o'yinda maydonga tushadi va mavsumni "Paxtakor" o'rinbosarlari safida yakunlaydi. 2004 va 2005 yillarni ham u o'rinbosarlar safida o'tkazdi. Doimiy ravishda 18talik ro'yxatdan joy olsada, unga shu yillar davomida uch marotaba asosiy tarkibga kirish nasib etgan. 2006 yil esa Anzurni Agamurodov Samarqandga olib ketadi. Ikkinchi davraning barcha o'yinlarida maydonga tushgan qahramonimiz, mavsum kashfiyotiga aylanadi va o'z hisobiga uchta gol yozib qo'yadi.

2007 yil Ismoilov yana "Paxtakor"ga qaytdi. U yillari Ismoilov yarim himoya chizig'ida harakat qilar edi. Bu paytda "Paxtakor" himoyasining markazida yana bir yosh futbolchi Kleckov va oliy liga tarixidagi eng yaxshi legionerlardan biri bo'lgan Gochkuli Gochkuliev harakat qilardilar. Anzur shu yili ikkinchi davradan boshlab asosiy tarkibdan joy oldi.

2008 yil Gochkuliev jamoani tark etganidan so'ng Ismoilov "Paxtakor"ning markaziy himoyasidan o'rin oldi va 2010 yilgacha o'z o'rnini hech kimga berma keldi. Bu orada u terma jamoaning ham muhim o'yinchilari qatoriga kira oldi.

 

Garchand, chempionlikni qo'ldan boy bermasada, Anzur Ismoilov "Bunyodkor" uchun OCHLda juda ham kerak edi. Suratga bir qarang, Ismoilov, Ahmedov va Geynrixga ega jamoa o'sha yili O'zbekiston chempioni bo'la olmasdi. Juda ham kuchli edi chempionatimiz. "Bunyodkor"ning shartlari Ismoilov va "Paxtakor"ni to'liq qoniqtirdi va 2009 yil Anzur uchun sherlar safidagi so'nggisi bo'ldi.

Sportdan boshqa istagan sohangizda umr davomida faoliyat olib borishingiz mumkin. Lekin futbolning qoidasi boshqa. Qisqa faoliyat davomida hamma ham yaxshi jamoada o'ynashni istaydi. 2010 yilni Rivaldo bilan birga "Bunyodkor"da boshlagan himoyachimiz mamlakat chempioni bo'ldi. 2011 yil esa unga ilk marotaba horijdan yaxshi taklif tushdi.

Terma jamoamizning Qatar maydonlarida bo'lib o'tgan alo yurishidan keyin ko'pchilik qatori Anzur Ismoilovga ham horijdan taklif tushdi. Xitoyning "CHanchun Yatai" klubi hamyurtimiz bilan uzoq muddatli shartnoma tuzdi.

Anzur Xitoy super ligasi tarixidagi eng yaxshi va muqim o'ynagan himoyachilardan biri bo'ldi. 2014 yil yatailiklar u bilan tuzilgan shartnomani yana ikki yilga uzaytirdilar. Mana 5 yildirki futbolchimiz chin o'lkasida to'p tepib kelyapti.

2015 yil. Barchamiz kabi uning ham maqsadi bitta - JCH!

Bu surat esa FINISH uchun. Sobiq MHSK stadionida bo'lib o'tgan o'rtoqlik uchrashuvi. O'zbekiston va Rossiya olimpiya terma jamoalari o'rtasida kechgan o'yin avvalida Ismoilov va Mullajonov.

Nodirxo'ja Yuldashev