Asilbek Omonov: "Nasaf"ga qarshi o'yin finalga teng bo'ladi"
/ Kiritdi: BestMaster O'qilgan: 960
“Buxoro” – “Nasaf” uchrashuvi oldidan mezbonlar darvozaboni Asilbek Omonov bo'lajak o'yin to'g'risidagi fikri bilan o'rtoqlashdi.
- Bu o'yin muhimlik va principiallik nuqtai nazaridan finalga teng, deb o'ylayman. Albatta ushbu o'yinda har ikki jamoa g'alaba uchun maydonga tushadi. Ayniqsa o'z uyimizda, muxlislarimiz qarshisida o'ynayotganligimiz uchun zafar qozonish istagi har doimgidan yuqori.
Raqib haqida gapiradigan bo'lsak, tan olish joiz “Nasaf” uzoq yillardan buyon chempionatimizda kuchli va barqaror o'ynaydigan, o'z oldiga yuqori marralarni ko'zlaydigan jamoa sifatida shakllangan. Keyingi yillarda u OCHLda ham raqobatbardosh komanda sifatida o'zini namoyon etmoqda.
Ammo bu o'yinni raqibga osongina topshirib qo'yamiz, degani emas. Jamoamizda yuqori saviyadagi o'yinchilar yig'ilgan. Murabbiylar ko'rsatmalarini to'liq bajarib, o'z o'yinimizni namoyish eta olsak biz har qanday raqibni ham yuta olamiz. Har holda olib borayotgan mashg'ulotlarimiz sifati hamda “12-o'yinchi” sifatida madad berib turgan muxlislar daldasi ana shunday dadil gapirishimizga imkon beradi.
Ayni paytda “Buxoro” jamoasining bu yilgi chempionatdagi tarkibi va qayd etayotgan natijalari muxlislar o'rtasida kuchli qiziqish va joiz bo'lsa shov-shuvlarga sabab bo'lmoqda. Biz ana shu tempni saqlagan holda kelgusi o'yinlarda ham muxlislar ishonchini va mehrini qozonishda davom etishga harakat qilamiz, - deydi Asilbek Omonov.
"Buxoro" matbuot xizmati
Raqib haqida gapiradigan bo'lsak, tan olish joiz “Nasaf” uzoq yillardan buyon chempionatimizda kuchli va barqaror o'ynaydigan, o'z oldiga yuqori marralarni ko'zlaydigan jamoa sifatida shakllangan. Keyingi yillarda u OCHLda ham raqobatbardosh komanda sifatida o'zini namoyon etmoqda.
Ammo bu o'yinni raqibga osongina topshirib qo'yamiz, degani emas. Jamoamizda yuqori saviyadagi o'yinchilar yig'ilgan. Murabbiylar ko'rsatmalarini to'liq bajarib, o'z o'yinimizni namoyish eta olsak biz har qanday raqibni ham yuta olamiz. Har holda olib borayotgan mashg'ulotlarimiz sifati hamda “12-o'yinchi” sifatida madad berib turgan muxlislar daldasi ana shunday dadil gapirishimizga imkon beradi.
Ayni paytda “Buxoro” jamoasining bu yilgi chempionatdagi tarkibi va qayd etayotgan natijalari muxlislar o'rtasida kuchli qiziqish va joiz bo'lsa shov-shuvlarga sabab bo'lmoqda. Biz ana shu tempni saqlagan holda kelgusi o'yinlarda ham muxlislar ishonchini va mehrini qozonishda davom etishga harakat qilamiz, - deydi Asilbek Omonov.
"Buxoro" matbuot xizmati
Bosh sahifaga
271