Akrom Xo'jaev: "Cementchi"ga qarshi o'ynash doimo qiziqarli bo'lgan"
/ Kiritdi: BestMaster O'qilgan: 806
Bugun O'zbekiston Birinchiligining 5-tur o'yinlari start oladi. Turning markaziy uchrashuvida "Cementchi" "Oq-tepa"ni qabul qiladi.
Biz bellashuv oldidan mehmonlar posboni Akrom Xo'jaevning fikrlari bilan qiziqdik.
- "Cementchi"ga qarshi o'ynash doimo qiziqarli bo'lgan. CHunki jamoa kuchli, stadionda muxlislar tribunani to'ldirib olqishlab turishadi. Bu o'z-o'zidan o'yinga ijobiy tasir qiladi. Biz safarga ochko maqsadida yo'l oldik. Buning uchun qo'limizdan kelgan barcha imkoniyatni ishga solamiz. Jamoada kayfiyat yaxshi, maqsadimiz g'alaba qozonish.
To'g'ri, "Nurafshon"ga qarshi o'z uyimizdagi bahsda yutqazdik. Biroq o'sha bellashuv "bizniki" edi. Ayniqsa, ikkinchi bo'limda biz ustunlik qildik, ammo g'alaba qozona olmadik. "Oq-tepa" o'tgan mavsumni ham ochko yo'qotishlar bilan boshlagan. Bu yil ham shunday bo'ldi. Hali mavsum uzoq. O'ylaymanki, biz hozir yo'qotilgan ochkolarni mavsum davomida qaytarib olamiz. Boisi, bizda bunga loyiq kuchli jamoa bor, - deydi Xo'jaev.
Bosh sahifaga
189