"Qizilqum": Yoshlarimizning mavsumdagi ikkinchi g'alabasi

Mavsumning dastlabki turida Obid Xudoyorov shogirdlari “Mashal” vakillaridan ustun kelishgan. So'ngra qatorasiga beshta turda yosh navoiyliklar raqiblariga imkoniyatni boy berishgan edi. SHu  bois, ko'pchilik bu gal ham “Qizilqum” yoshlarining ishonchli o'yin namoyish etishiga shubha bilan qarashayotgandi.

Ammo, yosh konchilar bu gal uchrashuvni ko'tarinki ruhda bir muncha hujumkor boshladilar. Bu o'z samarasini bermay qolmadi. Garchi, birinchi bo'limda o'yinda hisob ochilmagan bo'lsa-da, tanaffusdan so'ng muxlislar bir biridan chiroyli gollarga guvoh bo'ldilar.

Avvaliga Elyorjon Akbarov uchrashuvning 48-daqiqasida mehmonlar posboni bilan yakkama yakka vaziyatga chiqib. CHiroyli tarzda darvozani ishg'ol etdi - 1:0.

Oradan uch daqiqa o'tar-o'tmasdan buxoroliklar jarimadan to'pni o'yinga kiritdi. Jarima maydonchasi ichiga havolatib uzatilgan to'pni Jamoliddin Ubaydullaev boshi bilan Makosin qo'riqlayotgan darvoza to'riga joyladi - 1:1.

Uchrashuvning 63-daqiqasida Ruslan Iskandarov mezbonlar tarkibida zaxiradan maydonga tushdi. Oradan ikki daqiqa o'tib, Ruslan jarima to'pini qoyilmaqom qilib darvozaga yo'lladi va jamoasini hisobda oldinga olib chiqdi - 2:1.

Qolgan daqiqlarda o'yin bir muncha asabiy ruhda kechdi. Har ikki jamoa azolarida juda ko'plab vaziyatlarda qo'pol xatti-harakatlar sodir etildi. Natijada bir qator futbolchilar bosh hakam tomonidan sariq kartochkalar bilan “siylandi”.

Uchrashuvning so'nggi daqiqalarida mezbonlar bir qator golli vaziyatlar sodir etishdi. Jumladan, 90-daqiqada navoiyliklar vakili Saidjon Hayitov mehmonlar posbonini dog'da qoldirib, g'alabani mustahkamladi - 3:1.

HAKAMLAR HUJJATIDAN KO'CHIRMA:

Yoshlar ligasi

7-tur, 29 aprel (juma)

“Qizilqum” (Navoiy) - “Buxoro” (Buxoro) - 3:1 (0:0)

Navoiy shahri. “Kimyogar” stadioni

Hakamlar: Jasur Muxtorov (Toshkent), Aziz Ergashev, Amal Sultonov, Leonid Zakutilin (barchasi - Navoiy).

Nazoratchi: Alisher Abdullaev (Toshkent).

“QIZILQUM”: 22. Artyom Makosin (88. Rustam Rajabov, 88), 29. Saidjon Hayitov, 4. Viktor Grigorev, 6. Mirjalol Qosimov (2. G'ayrat Davronov, 89), 13. Bobir Mamirov (61. Feruz Norov, 46),  15. Xurshid Hasanov (34. Husniddin Fazliddinov, 30), 28. Sardor Jahonov, 35. Ahliddin Fayziev, 47. Sobir Usmonxo'jaev (32. Eliyorjon Akbarov, 46, 3. Orzu Razzoqov, 82), 45. Nodirjon Kamolov, 71. G'ayrat Jumaev (19. Ruslan Iskandarov, 63).

“BUXORO”: 25. SHohjahon Nasimov, 2. Mirjalol Jumaev, 3. Sardor Rahmonov, 4. To'lqinjon Rahmonov, 6. Narimon Hasanov, 7. Islom Xoliqov, 8. SHoxruhbek Xolmatov (19. Jamshid Hasanov, 52), 9. Mirfayz Muhiddinov, 14. Nodirjon Davlatov (10. Nozim Umurov, 46), 17. Jamoliddin Ubaydullaev, 21. Sardor Sulaymonov (77. Azamat Soliev, 70).

Gollar: Elyorjon Akbarov (48), Jamoliddin Ubaydullaev (51), Ruslan Iskandarov (65), Saidjon Hayitov (90)

Ogohlantirishlar: Viktor Grigorev (57), Jamoliddin Ubaydullaev (74), Husniddin Fazliddinov (74), Ruslan Iskandarov (79), Elyorjon Akbarov (80), Ahliddin Fayziev (81), Nodirjon Kamolov (85), Jamshid Hasanov (89)

 CHetlatish: Narimon Hasanov (76).