Birinchi liga. Bugungi o'yinlarda kimning imkoniyati qanday?

16:30. “Oq-tepa” – “Zomin”

Mazkur uchrashuvga bo'lgan qiziqish ko'pchilik tomonidan yuqori baholanmoqda. SHu bois turning markaziy o'yini deyish mumkin. Haqiqatdan ham Toshkentda o'tadigan bahsni keskin kurashlar ostida o'tishini tahmin qilish mumkin. Negaki, “Oq-tepa” o'z uyida g'alaba uchun chiqsa, “Zomin” ham qarab turmaydi va safardan imkon qadar ochko bilan qaytishga urinishi tabiiy deya umid qilamiz. O'tgan yili ushbu jamoalarning poytaxtda o'tgan bahsida 4:3 hisobida maydon egalari g'alaba qozongandi. Zominliklar bu yil ham chakki emas. Dilmurod Qodirov boshchiligidagi jamoa o'tgan turda yo'qotilgan ochkolarni bu safar qaytarishga urinishi turgan gap. Lekin “Oq-tepa”ga ochko nihoyatda zarur. Agarda ular bugun ham muvaffaqiyat qozona olmasa, elitaga chiqish imkoniyatini sezilarli ravishda pastlab ketishi aniq. 

Imkoniyatlar: 55x45

16:30. “Paxtakor-2” – “Xorazm”

“Paxtakor-2” ham garchi tarkibi yoshlardan tashkil topgan bo'lsada, o'z maydonida osonlikcha taslim bo'lmaydi. O'tgan yili “sherlar” urganchliklarni qabul qilib 3:1 hisobida taslim eta olgandi. Lekin bu yil “Xorazm” biroz kuchayganini inobatga olsak, jamoa bugun jiddiy kurashadi. Aytish lozimki, oldingi turlarning birida Vali Sultonov boshqaruvidagi jamoa “Oq-tepa”ni o'z maydonida mag'lub eta olgandi. Ko'ramiz, “Xorazm”ning Toshkentga uyushtirayotgan bu safari qanday chiqarkin?

Imkoniyatlar: 50x50