“Killavit” o'yingohida futbol turniri
/ Kiritdi: BestMaster O'qilgan: 921
Xorazm viloyati Yangiariq tumanining Tagan qishlog'idagi “Killavit” o'yingohida 2002-2003 yillarda tug'ilgan yosh “charm to'p” ustalari o'rtasida 1 iyun -Xalqaro bolalarni himoya qilish kuniga bag'ishlangan ochiq birinchilik o'tkazildi.
Yangiariq tumanidagi “Navro'z” futbol klubi tashabbusi bilan viloyat madaniyat va sport ishlari boshqarmasiga qarashli sport o'yinlari va engil atletikaga ixtisoslashtirilgan bolalar va o'smirlar sport maktabi(SO'EAIBO'SM) hamkorligida tashkil etilgan mazkur musobaqa o'ziga xos bayram tuhfasi bo'ldi.
Musobaqaning yarim finalida “Navro'z”(Yangiariq tumani) jamoasi “Jayhun”(Urganch shahri) jamoasi ustidan 2:0 hisobida zafar quchdi. SO'EAIBO'SM(Urganch shahri) jamoasi esa “Neftchi”(Urganch tumani) jamoasini 3:1 hisobida mag'lubiyatga uchratdi.
O'z navbatida 3-o'rin uchun kechgan o'yinda “Neftchi” jamoasi(murabbiyi Bahodir Rahimov) “Jayhun”dan kichik hisobda ustun keldi, 1:0. Hal qiluvchi uchrashuvda Qudrat Sobirov ustozlik qilayotgan “Navro'z jamoasi yosh futbolchilari SO'EAIBO'SM(murabbiyi Feruz Jumaniyozov)dagi tengdoshlarini 3:1 hisobida engib, turnir g'olibiga aylanishdi.
Musobaqaning eng yaxshi futbolchisi nomiga Inomjon Matyusupov (SO'EAIBO'SM) sazovor bo'ldi. SHuningdek, nominaciyalar bo'yicha Habibulla Matyoqubov (himoyachi, SO'EAIBO'SM), Odamboy Masharipov (yarim himoyachi, “Jayhun”), Davlatmurod Davletov (hujumchi, “Navro'z”), Azizbek Bahromov(to'purar, SO'EAIBO'SM)lar etirof etildi.
Ikrom XUDOYBERGANOV.
Bosh sahifaga
147
15 Iyul 2021, 09:42