Rustam Do'rmonov: "Dinamo" tajriba bobida ustun"

Samarqandda bizni og'ir uchrashuv kutib turganligini bilardik. O'yinga jiddiy tayyorgarlik ko'rgan bo'lsakda, dastlabki daqiqalarda himoyadagi xatoliklar tufayli tezkor gol o'tkazib yubordik. Bu gol raqiblar foydasiga ishladi. Ular o'yin tizgini o'zlarida ushlashdi, biz esa bahsga qaytishimiz qiyin kechdi - deydi Rustam Do'rmonov.

Dinamo tajriba bobida bizdan ancha ustun ekanligini maydonda ko'rsatdi. Do'stim Ilhom SHaripov Samarqandda kuchli klub tashkil etayotganligiga guvoh bo'ldim. Xotira-79 oldiga maqsad sifatida Oliy Ligaga chiqish qo'yilmagan bo'lsada, vazifamiz Birinchi Liganing kuchli beshligida bo'lish - deya fikrini yakunladi mehmonlar ustozi.