Rustam Abdullaev: “Muhim o'yinda mag'lub bo'ldik”

- Bugun bir muhim bo'lgan o'yinni yutqazib qo'ydik. Bugungi uchrashuvda mavsumdagi eng yomon o'yinimizni o'tkazdik, desam ham mubolag'a bo'lmaydi. Himoyadagi ikkita xato mag'lubiyatga olib keldi. Himoyachilarimizning ikkita xatosi ikitta gol bilan yakunlangandi. Nima ham derdik bu futbol – futbolda esa mana shunday mag'lubiyatlar uchrab turadi. Keyingi o'yinlarda g'alaba qozonib, qo'qonlik muxlislarni xursand etamiz, degan umiddaman.

- Bugun asosiy tarkibda maydonga tushgan ikkita buxorolik futbolchilar – Suhrob Qobilov va Ilya Ilinlarni almashtirdingiz. Buning sababi nima bilan bog'liq?

- Ilya Ilin sariq kartochka oldi. Qiziqqonlik qilib, ikkinchi kartochka olib qo'yishidan xavotirlandim. SHuning uchun uni almashtirdim. Suhrob Qobilovga kelsak, u bugun maydonda katta hajmdagi ishlarni bajargani bois charchab qoldi. Unga dam berishga qaror qildim, - deydi Rustam Abdullaev.