Xuseyn SHodiev: "Bizda futzal rivojlanish bosqichida"

"O'z shogirdlarimning o'yinidan qoniqmadim, chunki juda ko'p imkoniyatlardan foydalana olmadik.

O'zbekiston terma jamoasining tarkibi Osiyo chempionatidagidan ancha farq qildi, jamoaning asosiy o'yinchilari klublar o'rtasidagi Osiyo chempionatiga yo'l olishibdi. Yigitlarni bu jamoaga qarshi tayyorlash biroz qiyin bo'ldi, sababi ular umuman boshqa tarkibga qarshi tayyorlanishgan edi. Yangi o'yinchilardan iborat jamoaga qarshi biroz bo'shashishdi va imkoniyatlarni ko'kka sovurishdi.

Yana ikki kun ketma-ket o'yin bo'ladi, bu degani har ikki jamoaga o'ynash qiyinlashib boradi. CHunki, o'yindan keyin tiklanish uchun kamida 48 soatdan 72 soatgacha vaqt kerak. SHunday bo'lsada, keyingi bellashuvlarda ijobiy natija kutib qolamiz.

Bundan tashqari, futzalchilarimizga tajriba etishmayapti, chunki tarkibimiz juda yosh, Osiyo chempionatida ham eng yosh jamoalardan biri bo'ldik. Aksariyat o'yinchilar terma jamoada sanoqli o'yin o'tkazishgan xolos. SHuning uchun ham asosiy og'irlik 5-6 nafar futzalchilarimizga tushmoqda. Bizda futzal rivojlanish bosqichida", - deb takidlab o'tdi Xuseyn SHodiev.