O'rtoqlik uchrashuvi. “Qo'qon-1912” – “NBU Osiyo” – 1:0
/ Kiritdi: BestMaster O'qilgan: 856
Bugun Do'rmondagi o'yingohda “Qo'qon-1912” – “NBU-Osiyo” jamoalari o'rtasidagi o'rtoqlik o'yini bo'lib o'tdi.
Mazkur uchrashuvda jamoamiz safiga kecha kelib qo'shilgan ikki nafar serbiyalik o'yinchilar ham ishtirok etishdi. Har ikki legioner asosiy tarkibda maydonga tushdi.
O'yin to'liq vakillarimizning ustunligi ostida o'tganini etirof etish joiz.
Uchrashuvning 42-daqiqasida o'ng qanotdan belgilangan jarima zarbasini Maruf Zokirjonov “Bankirlar” darvozasiga joylab, hisobni ochdi.
Ikkinchi bo'limda to'liq tarkib o'zgardi. Lekin tashabbus baribir qo'qonliklar tomonida bo'ldi. Ammo gol urish borasida omadimiz kelmadi. Xususan, 2-bo'limda Nosir Otaqo'zievning urgan goli hisobga olinmadi. Hakamlar ofsayd qayd etishdi. Bugungi o'yinni Jasur Muxtorov boshchiligidagi hakamlar boshqarib borishdi.
SHu tariqa jamoamizning to'liq ustunligida o'tgan o'yin kichik 1:0 hisobi bilan yakunlandi.
O'rtoqlik uchrashuvi
“Qo'qon-1912” – “NBU Osiyo” – 1:0 (1:0)
Gol: Maruf Zokirjonov – 42.
“Qo'qon-1912”: Aziz Ashurov, Darko Gojkovich, Nikola Valentich, Jalil Kimsanov, Maruf Zokirjonov, Avaz Mamatxo'jaev, Otabek Zokirov, Sobir Hamidov, Abdullox Olimov, Javohir Siddiqov, Suhrob Berdiev.
Zaxira: Ruslan Matniyazov, SHoxrux Xolmatov, I. G'ofurov, A. Rahimov, Doston Tursunov, Nodir Yo'ldoshev, Iqbol Malikjonov, Bahodir Akramov, Orif Mamajonov, Ibrohim Rahimov, I. Abdug'aniev, I. Alimboev, Nosir Otaqo'ziev, Aziz To'xtaboev.
15 Sentabr 2021, 08:42