"Buxoro" Mullajonov bilan shartnoma tuzilganini tasdiqladi
/ Kiritdi: BestMaster O'qilgan: 978
"Buxoro” jamoasi yana bir futbolchini o'z safiga qo'shib oldi.
BAA pro ligasi vakili Al SHaab klubida faoliyat yuritib kelgan himoyachi SHavkat Mullajonov Buxoro bilan shartnoma tuzdi.
SHavkat Mullajonovning O'zbekiston milliy terma jamoasi tarkibidagi yorqin o'yinlari, himoyadagi ishonchli hatti-harakatlarini muxlislar hali unutishgani yo'q. Milliy terma jamoa tarkibida 2010 yil Albaniyaga qarshi bahsda debyut qilgan Mullajonov, tezda asosiy tarkib futbolchisi ekanligini namoish etdi va 2015 yilgacha milliy jamoamizning eng asosiy figuralaridan biri sifatida faoliyat yuritdi.
O'zbekiston milliy terma jamoasi safida hozirgi kunga qadar jami 35 ta uchrashuvda ishtirok etgan SHavkat Mullajonov, klublardagi faoliyati davomida turli sovrinlarni yutgan.
Yutuqlari:
Saudiya Arabistonining “Al-Nasr” jamoasi tarkibida 2012 yilda Qirol kubogi sohibiga aylangan.
2014 yilgi mavsumda Toshkentning “Lokomotiv” jamoasi tarkibida kumush medal sohibi.
2014 yilgi mavsumda Toshkentning “Lokomotiv” klubi bilan O'zbekiston kubogi g'olibligini qo'lga kiritgan.
Bosh sahifaga
239
15 Sentabr 2021, 13:24