O'zbekiston o'smirlar terma jamoasi Avstraliya U-16 termasiga qarshi o'rtoqlik o'yinini o'tkazadi
/ Kiritdi: BestMaster O'qilgan: 1171
SHu yilning 5 sentyabr – 2 oktyabr kunlari Hindistonning Goa shahrida o'smirlar o'rtasida bo'lib o'tadigan Osiyo chempionatiga tayyorgarlik ko'rayotgan O'zbekiston U-16 terma jamoasi Toshkentdagi yig'ini doirasida Ummon o'smirlar termasiga qarshi ikkita nazorat o'yinini o'tkazdi.
25 iyul kuni bo'lib o'tgan dastlabki o'yinda Temur Olimxo'jaev shogirdlari yirik – 4:1 hisobida g'alaba qozongan edi. Kecha, 27 iyul kuni bo'lib o'tgan o'yinda esa nursiz durang qayd etildi – 0:0.
O'zbekiston U-16 terma jamoasi navbatdagi Sloveniyada yig'in o'tkazib, Sloveniya o'smirlar terma jamoasi bilan ikkita nazorat uchrashuvi o'tkazishadi. SHundan so'ng, O'zbekistonda yakuniy yig'in o'tkazilib, 9 sentyabr kuni Hindistonga uchib ketiladi. 10 sentyabrda esa Temur Olimxo'jaev shogirdlari Hindistonning Goa shahrida Avstraliya o'smirlari bilan o'rtoqlik uchrashuvi o'tkazishadi.
Bu musobaqa oldidan so'nggi nazorat uchrashuvi bo'ladi va 15 sentyabrdan rasmiy o'yinlar boshlanadi.
Eslatib o'tamiz, O'zbekiston o'smirlar terma jamoasi Osiyo chempionati final bosqichida KXDR, Tailand hamda Yaman o'smirlar terma jamoalari bilan bir guruhdan o'rin olgan.
M.o.n.s.t.e.R 
Bosh sahifaga
156
19 Sentabr 2021, 11:29