Qatar o'rtoqlik o'yinida Tailandni yirik hisobda mag'lub etdi

Jahon chempionati saralash bahslariga tayyorgarlik ko'rayotgan Qatar terma jamoasi rasmiy o'yinlardan oldingi so'nggi o'rtoqlik uchrashuvida o'z maydonida Tailand terma jamoasiga qarshi maydonga tushdi. Doxadagi Al Saad stadionida bo'lib o'tgan uchrashuvda Qatar raqibini yirik – 3:0 hisobida mag'lub etdi. Terma jamoa sardori Hassan al Haydos uchrashuvda dublga erishgan bo'lsa,  yana bir golga Rodrigo Tabata mualliflik qildi.

Malumot uchun, Tailand terma jamoasi ham Qatar kabi JCH-2018 saralash bahslarida ishtirokini davom ettirayotgan jamoalardan biri hisoblanadi va mazkur o'yin har ikkala terma jamoa uchun ham 1 sentyabr kuni start oladigan rasmiy o'yinlardan oldingi so'nggi uchrashuv bo'ldi.

Eslatib o'tamiz, Qatar terma jamoasi JCH-2018 3-bosqichini 1 sentyabr kuni safarda Eron terma jamoasiga qarshi o'yin bilan boshlaydi. Saralashning 2-turida esa Doxada O'zbekiston milliy terma jamoasini qabul qiladi.

O'rtoqlik uchrashuvi.
25 avgust. Doxa, Qatar.
"Jassim bin Hamad" stadioni, ("Al Saad").

Qatar – Tailand 3:0
Gollar: Hassan Al Haydos (8 penalti, 77), Rodrigo Tabata (62).