Server Jeparov: “Har bir o'yin biz uchun OCHLga tayyorgarlik vazifasini o'tab beradi”

2016-09-10 14:30:04 / Kiritdi: BestMaster O'qilgan: 993

Toshkentning “Lokomotiv” klubi kecha o'z uyida G'uzorning “SHo'rtan” jamoasini qabul qildi va yirik hisobda g'alaba qozondi.

Ushbu uchrashuvdan so'ng “temiryo'lchilar” futbolchisi Server Jeparov o'z fikrlari bilan o'rtoqlashdi.

“SHo'rtan” klubini 3:0 hisobida mag'lub etdik, bundan xursandmiz. Bunday natija biz uchun juda muhim. Har bir o'yindagi har bir ochkolar hozir biz uchun juda muhim hisoblanadi. “SHo'rtan” jamoasi birinchi bo'limda yaxshi o'yin ko'rsatdi, lekin ikkinchi bo'limda jismoniy holati pand berdi. Biz ularning xatolaridan unumli foydalandik.

Har bir o'yin biz uchun OCHLga tayyorgarlik vazifasini o'tab beradi. Keyingi o'yinlarning barchasida bizni faqat g'alaba qoniqtiradi. Nasib qilsa “Al-Ayn”ni mag'lub etib chorak final yo'llanmasini qo'lga kiritamiz”, - deydi “Lokomotiv” klubi futbolchisi Server Jeparov.

Jahongir Sotvoldiev

Teglar: server, jeparov, “har, oyin, uchun, ochlga, tayyorgarlik, vazifasini, otab, beradi”,
← Oldinga Orqaga →