Otabek Haydarov: "Golim muxlislarimizga bayram sovg'asi bo'lsin"
/ Kiritdi: BestMaster O'qilgan: 968
“Qizilqum” – “Qo'qon-1912” jamoalari o'yinidan so'ng qo'qonliklarning yagona goli muallifi , hujumchi Otabek Haydarovning o'yin haqidagi fikrlarini so'radik.
- Bugun juda qiyin uchrashuv bo'lishin oldindan kutgan edik. CHunki “Qizilqum” jamoasi bu yil har yilgidan ancha kuchli o'yin namoyish qilmoqda. Biz uchun esa bundan buyog'iga har bir ochko muhim hisoblanadi. SHuning uchun murabbiylarimiz bizni oldimizga g'alaba qozonishni maqsad qilib bergan edilar . Agar bugun yaratilgan vaziyatlardan foydalanganimizda Navoiydan uch ochko bilan qaytgan bo'lar edik.
O'zimni o'yinimga esa muxlis va mutaxasislar baho bergani maqul. Ancha muddat maydonga tushmay , katta futbolni sog'ingan edim. SHu o'rinda bosh murabbiyimiz No'mon Xasanovga ishonch bildirganlari uchun rahmat aytmoqchiman.
Bugungi natijada barcha jamoadoshlarimning hissalari birdek bo'ldi. Biz bugun mezbonlardan ko'ra ko'proq ishtiyoq bilan maydonga chiqdik. “Qizilqum” darvozasiga urgan golim muxlislarimizga hayit bayramiga sovg'a bo'lsin - deydi Otabek Haydarov.
"Qo'qon-1912" matbuot xizmati
Bosh sahifaga
263
25 Oktyabr 2021, 18:55