APL. 4-tur sharhi va "EPLMANAGER"da g'olib aniqlandi
/ Kiritdi: BestMaster O'qilgan: 992
10-12 sentyabr kunlari Angliya Premer-ligasining 4-tur bahslari bo'lib o'tdi.
To'rtinchi tur uchrashuvlarini Manchester derbisi ochib berdi. Unda Pep Gvardiola shogirdlarining qo'li baland keldi. Mezbonlar safida Zlatan Ibragimovich o'z jamoasinin yagona goliga mualliflik qilgan bo'lsa, De Bryuyone va Ixeanachoning gollari "shaharliklar"ga g'alaba olib keldi.
"Tottenxem" "Stok Siti"ni 4:0 hisobida taslim etdi. Son Xyon Min, Alli va Keyn muallifligidagi gollarga mehmonlar javob bera olishmadi. "Arsenal" esa o'z muxlislarini asabiylashtirishda davom etmoqda. "To'pchilar" o'z maydonida "Sautgempton"ni qabul qilib, so'nggi daqiqada penaltidan urilgan gol tufayli 3 ochkoni qo'lga kiritishdi. "Liverpul" APLning amaldagi chempioni "Lester"ni yirik hisobda mag'lub etdi. "Tulkilar" darvozasiga urilgan to'rtta golga, Klaudio Raneri jamoasi Vardining yagona goli bilan javob berdi. Nahotki ushbu ertak yakunlangan bo'lsa?
"CHelsi" bu turda ochko yo'qotishga majbur bo'ldi. "Suonsi" ko'klarni qiynab qo'ygan pallada, "aristokratlar"ga Diego Kosta yordamga keldi va o'z jamoasi uchun bir ochko ishladi. "Sanderlend" va "Everton" o'rtasidagi bahs Romelu Lukakuning "qayta tug'ilishi" bo'ldi. Belgiyalik o'z hisobiga xet-trik yozdirib qo'ydi ("EPLMANAGER"da super-kapitan - 51 ochko). SHunday qilib, APLning fentezi-ligasidagi Osiyo Ochiq CHempionati g'olibini aniqlashda Lukaku asosiy muhim rolni egalladi.
Osiyo Ochiq CHempionati g'olibi "FC ABS" jamoasi bo'ldi va u so'nggi turda 88 ochko to'plashga muvaffaq bo'ldi. Uning taqibchisiga 9 ochko etishmadi.
Bundan tashqari, ushbu sovrinli ligada ikkinchi o'rin ham O'zbekiston vakiliga nasib etdi. Ushbu sovrinli liganing kuchli o'nligida 5 nafar o'zbekistonlik borligi bizni quvontiradi. G'olib esa O'zbekistonni "EPLMANAGER" saytidagi hozircha eng muvaffaqiyatli mamlakatga aylantirdi. Keyingi sovrinli musobaqalarda ham hamyurtlarimizga omad tilab qolamiz.
Haftaning eng yaxshi futbolchilari:
1 - Romelu Lukaku (Everton) 17 ochko
2 - Son Heung-Min (Tottenham) 16 ochko
3 - Michail Antonio (West Ham United) 12 ochko
4 - Etienne Capoue (Watford) 10 ochkov
"EPLMANAGER"ning 4-turida eng ko'p ochko jamg'argan foydalanuvchi
Osiyo Ochiq CHempionati g'olibi bilan intervyuni tez orada elon qilamiz.
Bosh sahifaga
222