Azim Ahmedov: Hamjihatlik g'alabamizni bosh omili

Futboldagi faoliyatini Navbahorda boshlagan Azim Ahmedov Namangandagi o'yingohda ilk marotaba Navbahorga qarshi to'p surib, mezbonlar jamoasi darvozasiga chiroyli gol urishga erishdi. O'yindan keyin Ahmedov o'z fikrlari bilan o'rtoqlashdi: - Bugungi uchrashuvni qiyin o'tishini bilardik. SHundan kelib chiqqan holda o'yinga munosib tarzda tayyorgarlik ko'rishga intildik. Jamoamizga g'alaba juda ham muhim edi. O'z navbatida Navbahorga ham yutuq zarur edi. Umuman olganda yaxshi o'yin bo'ladi deb o'ylagandik. Yakunda maqsadimizga erishib, g'alabani qo'lga kiritdik. So'nggi uchrashuvlarda jamoamiz azolari hamjihatlikda harakat qilib, g'alabalarni qo'lga kiritib kelmoqdamiz. Bugun ham hamjihatlikda bir-birimizni tushungan holda to'p surganimiz uchun bugun ham g'alabani qo'lga kiritdik.

"Navbahor" matbuot xizmati