Server Jeparov: "Ertaga ishqibozlarimizga ajoyib g'alaba taqdim etishga urinamiz"

2016-10-10 21:10:01 / Kiritdi: BestMaster O'qilgan: 1015

Bilasiz, ertaga O'zbekiston milliy terma jamoasi Jahon chempionati-2018 saralashi so'nggi bosqich o'yinlari doirasida Xitoy termasiga qarshi bahs yuritadi.

Bugun bosh jamoamiz “Bunyodkor” stadionida o'yinoldi rasmiy mashg'uloti o'tkazdi. Mashg'ulot yakunida milliy terma jamoamiz etakchilaridan biri Server Jeparov o'zining o'yinoldi fikrlarini bildirib o'tdi.

- O'tgan safargi Eronga qarshi o'yinda bir qator xatolarga yo'l qo'ydik, buni tan olamiz. Lekin Xitoy bilan o'yinga hozirlik ko'rish mobaynida o'sha xatolarni tuzatishga harakat qildik.

Hozircha ertaga qanday uslubda o'yin namoyish etishimizni batafsil ayta olmayman. Zero o'yin oldidan barcha qartalarni ochib tashlash yaxshi emas. Ammo bir narsani takidlay olamanki, ertaga biz maydonga umuman boshqacha kayfiyatda chiqamiz va ishqibozlarimizga ajoyib g'alaba taqdim etishga urinamiz, - deydi mahoratli yarim himoyachi “Loko” matbuot xizmatiga.

Takidlab o'tamiz, ertaga O'zbekiston – Xitoy uchrashuvi soat 18:00da “Bunyodkor” o'yingohida bo'lib o'tadi.

Teglar: server, jeparov, ertaga, ishqibozlarimizga, ajoyib, galaba, taqdim, etishga, urinamiz,
← Oldinga Orqaga →