"Peskara" - "Atalanta" uchrashuvi zilzila tufayli to'xtatildi
/ Kiritdi: BestMaster O'qilgan: 904
Kecha Italiya A Seriyasining 10-tur uchrashuvlari bo'lib o'tdi.
ESPNFC nashrining xabar berishicha, Italiya markazida ikki soat ichida ikkinchi zilzila kuzatilganidan so'ng "Peskara" hamda "Atalanta" o'rtasidagi bahs muxlislar orasidagi qo'rquv tufayli bir necha daqiqaga to'xtatildi.
Uchrashuv boshlanishiga 90 daqiqa qolganida 5,4 magnitudali, bahsning 32-daqiqasida esa 6,1 magnitudali zilzilalar qayd etilgan.
10 soniya davomida muxlislar orasida vahima paydo bo'ldi, xatto bazilar stadionni tark etdi.
"O'sha vaqtda nima bo'layotganini tushunmadik, chunki biz maydonda yugurayotgandik. Muxlislar baqirishini eshitib, ular arenani tark etayotganida hammasini tushundik" - deydi "Peskara" himoyachisi Ugo Kampanaro.
Uchrashuv 4 daqiqaga to'xtab qoldi va keyin davom ettirildi. Ushbu o'yinda "Atalanta" 1:0 hisobida g'alaba qozondi.
Zilzila markazi "Stadio Adriatiko" arenasidan 180 km. uzoqlikda, Macherata va Peruja shaharlari orasida bo'lgan.
Ikki oy oldin ham Italiya markazida qattiq zilzila kuzatilgan edi. O'shanda 300 ga yaqin aholi tabiiy ofat tufayli olamdan ko'z yumgan.
Bosh sahifaga
116