Marchello Lippi: "Xitoy so'nggi pog'onada va bizga ochkolar kerak"
/ Kiritdi: BestMaster O'qilgan: 738
JCH-2018 saralashi doirasidagi Xitoy - Qatar uchrashuvidan oldin tashkil etilgan matbuot anjumanida xitoyliklar ustozi Marchello Lippi o'z fikrlarini bildirdi.
"Bu erga qaytib yangi marralar sari kurashishimdan xursandman. 2018 yilgi Jahon chempionatiga chiqishni istayotgan terma jamoani qabul qilib olish shaxsan men uchun juda og'ir missiya hisoblanadi. Oldinda bizni qiyin yo'l kutib turibdi.
Bir ochko bilan guruhda eng so'nggi pog'onadamiz, bizga ochkolar kerak. Bizning imkoniyatimiz juda kichik. Biz uzoqni ko'zlab jamoa tuzishimiz kerak. Agar Rossiyadagi mundialga chiqa olsak buyuk natija bo'ladi. Agar unga yo'llanmani qo'lga kiritmasak kelajak haqida qayg'urish kerak.
Qatar yaxshi jamoa hisoblanadi. Ularda murabbiy almashdi. Fossati ajoyib murabbiy. Xorxe Qatar terma jamoasi va uning futbolchilarini juda yaxshi taniydi. 2022 yilda Qatar o'z uyida mundialni qabul qiladi, shu bois ularda intilish juda yuqori. Biroq raqibdagi sifat intilishdan ko'ra pastroq", - deydi Marchello Lippi OFK rasmiy saytiga.
Bosh sahifaga
285