I.Ahmedov: “Qarshida OFK va FIFA darajasida sharoit yaratib berildi”
/ Kiritdi: BestMaster O'qilgan: 1225
Avval xabar qilganimizdek, 1-5 oktyabr kunlari Qarshi shahrida OFK instruktori Islom Ahmedov tomonidan futbol murabbiylari uchun o'quv kurslari tashkil etildi.
Unda jamoamizning yordamchi murabbiylari SHuhrat Toshpo'latov va Ilnur Sibagatulin, shuningdek, “Nasaf” futbol maktabining ko'plab murabbiylari qatnashishdi. Tadbir yakunida OFK instruktori Islom Ahmedov seminar haqida o'z fikr mulohazalari bilan o'rtoqlashdi.
- Avvalo seminarni o'tkazish uchun barcha shart-sharoitlarni yaratib bergan “Nasaf” futbol klubi rahbariyatiga o'z minnatdorchiligimni bildiraman. Men bu kabi tashkilotchilikni OFK va FIFA darajasida ko'rganman. Seminarda qatnashgan instruktor va murabbiylar uchun barcha imkoniyatlar yaratib berildi. Dunyo futbolida ruy berayotgan o'zgarishlarni mana shu 4 kunlik seminar davomida nazariy va amaliy jihatdan tushuntirib, ko'rsatib berishga harakat qildik. O'ylaymanki, seminar ishtirokchilari kelgusida futboldagi yangi o'zgarishlarni o'z ish jarayonlarida muvaffaqiyatli amalga oshira olishadi.
-Qashqadaryolik murabbiylarning seminardagi ishtiroki haqida nima deya olasiz?
-Ularning o'z murabbiylik yo'li va tajribasi bor va seminar davomida bilinib turdi. Bizning mashg'ulotlarda ham ular har tomonlama ajralib turishdi. O'zlarini qiziqtirgan savollariga javob olishdi. Umid qilamanki, bu erda olingan bilimlar ularga amaliy ish jarayonida asqotadi.
Bosh sahifaga
133