Oliy ligada gollar va natijalar tahlili

Jamoalarning uy va mehmondagi natijalari, gollar va ularni qachon urishgani, mavsum mobaynida natijalar qancha miqdorda qayd etilgani xususidagi malumotlar ishqibozlarimizni befarq qoldirmasa kerak.

Bir jamoa ishtirokidagi uchrashuvlarga to'g'ri kelgan o'rtacha gollar borasida “Navbahor”ning bellashuvlari muxlislarga ko'proq gollarni taqdim etdi. Namanganliklar o'yinlarida 3,43tadan to'p kiritilgan. CHempion “Lokomotiv”da bu ko'rsatkich 3,37tani tashkil qildi. Bu jihat borasida keyingi pog'onalarda jadvalning ikkinchi qismidan o'rin olgan “SHo'rtan”, “Olmaliq” va “Qo'qon-1912” jamoalari joylashgan. Ularning uchrashuvlarida 3ga yaqin va undan ortiq to'p kiritilgan. “Andijon”, “Buxoro”, “So'g'diyona” va “Bunyodkor” bahslarida esa gollar eng kam kuzatilgan. Kumush medallarga ega chiqqan “qaldirg'ochlar” ishtirokidagi uchrashuvlarga 1,97tadan to'g'ri kelgan. Bu jamoa nafaqat himoyalanish, balki hujum qilishda ham juda faol bo'lmaganini ko'rsatadi.

1. Navbahor   3,43
2. Lokomotiv   3,37
3. SHo'rtan   3,3
4. Olmaliq   3,23
5. Qo'qon-1912   2,87
6. Nasaf   2,8
7. Metallurg   2,7
8. Paxtakor   2,63
9. Mashal   2,53
10. Obod   2,53
11. Qizilqum   2,43
12. Neftchi   2,37
13. Andijon   2,33
14. Buxoro   2,3
15. So'g'diyona   2,13
16. Bunyodkor   1,97

Gollarning o'yindagi daqiqalarga qanday to'g'ri kelishini ko'rib chiqsak, tabiiy ravishda eng ko'p gol urgan “Lokomotiv” deyarli har 15 daqiqalikda peshqadamlardan biri bo'lgan. Ilk 15 daqiqada “Loko” va “Nasaf” boshqalarga nisbatan faolroq bo'lishgan. Ular 14 hamda 11 martadan raqib darvozabonlarini dog'da qoldirishgan. 15-30 daqiqalar oralig'ida “temiryo'lchilar” bilan birga “Paxtakor” ham ancha sermahsul o'ynagan. Poytaxt klublari 10 martadan gol urishga muvaffaq bo'lganlar. Birinchi bo'limdagi oxirgi 15 daqiqada “Lokomotiv” 12 bor to'p kiritgan. “Nasaf”, “Bunyodkor”, “Mashal” va “Metallurg” 9tadan gol urib, qolganlardan faolroq harakat qilishgan. Ikkinchi bo'lim boshida “Paxtakor” 13, “Lokomotiv” 12 to'p bilan peshqadam bo'lishgan. 60-75 daqiqalarda chempion bilan birga “Qizilqum” boshqalardan ko'proq zafar quchgan. So'nggi 15 daqiqalikda esa yana “Loko” hamda “Nasaf” ilg'orroq chiqqanlar. Jadvalda barcha jamoalarning bu boradagi ko'rsatkichlaridan xabardor bo'ling.

Jamoa	O'yin	Gollar	0-15'	15-30'	30-45'	45-60'	60-75'	75-90'
Lokomotiv	30	77	14	10	12	12	13	16
Bunyodkor	30	46	8	4	9	9	7	9
Nasaf	30	60	11	7	9	9	9	15
Buxoro	30	42	4	7	5	8	8	10
Paxtakor	30	49	4	10	5	13	7	10
Qizilqum	30	41	2	6	4	8	12	9
Metallurg	30	47	4	7	9	7	8	12
Mashal	30	35	6	4	9	7	0	9
SHo'rtan	30	43	1	9	7	6	9	11
So'g'diyona	30	23	3	3	3	2	4	8
Neftchi	30	28	2	6	7	5	6	2
Qo'qon-1912	30	31	5	7	4	6	3	6
Olmaliq	30	40	6	7	4	6	7	10
Obod	30	25	3	6	4	3	3	6
Navbahor	30	37	4	7	5	5	7	9
Andijon	30	20	2	4	3	2	5	4

 

Jamoalar bu mavsum sermahsullikni yuqori darajada qayd etishdi deb aytib bo'lmaydi. Bir o'yinga o'rtacha 2,68tadan gol to'g'ri kelgani buni tasdiqlaydi. Albatta, bu yomon ko'rsatkich ham sanalmaydi. 1:0 hisobi eng ko'p qayd etilgan natijaga aylandi – 48 marta. 2:1 natijasi 44 bor kuzatildi. Keyin 2:0, 1:1, 3:0 va 3:1 hisoblari boshqa natijalarga qaraganda ko'proq qayd etilgan. Avvalgi mavsumlardagidek 7-9talab gol urilgan autsayderlar to'qnashuvlariga guvoh bo'lmaganimizning o'zi bir o'sish.

Natijalar

1-0	48
2-1	44
2-0	27
1-1	20
3-0	20
3-1	19
0-0	17
3-2	10
4-0	6
2-2	5
4-1	5
4-2	4
3-3	3
5-0	3
5-2	3
5-1	3
6-0	2
4-3	1

 

Jamoalarning uy va mehmondagi natijalarini tahlil qiladigan bo'lsak, “Lokomotiv” 41 ochko bilan o'z maydonida eng ko'p ochko to'plagan. “Bunyodkor” va “Obod”ga qarshi uchrashuvlarda jamoa ochko yo'qotgan. “Nasaf” 40 ochko jamg'argan bo'lsa, “Metallurg” hamda “Bunyodkor” 38tadan ochko yig'ishga erishdi. “Navbahor”, “Qo'qon”, “Obod” va “Andijon” o'z maydonida 50 foiz miqdordagi ochkolarni qo'lga kirita olishmadi. Aynan shu sababli ular oxirgi turgacha oliy ligada qolish uchun kurash olib borishdi.

UYDA

1	Lokomotiv	15	13	2	0	44-8	41
2	Nasaf	15	13	1	1	34-8	40
3	Metallurg	15	12	2	1	38-15	38
4	Bunyodkor	15	12	2	1	28-5	38
5	Paxtakor	15	11	3	1	33-12	36
6	Buxoro	15	10	3	2	26-10	33
7	SHo'rtan	15	9	1	5	22-19	28
8	Mashal	15	8	3	4	25-15	27
9	Qizilqum	15	7	6	2	25-16	27
10	Neftchi	15	7	3	5	18-15	24
11	So'g'diyona	15	6	5	4	11-12	23
12	Olmaliq	15	7	1	7	22-20	22
13	Navbahor	15	6	3	6	27-27	21
14	Qo'qon	15	6	3	6	18-21	21
15	Obod	15	5	4	6	17-23	19
16	Andijon	15	5	3	7	12-18	18

 

Mehmonda ham “Loko” boshqalardan ko'ra ko'proq ochko jamg'ardi. “Bunyodkor”, “Buxoro”, “Nasaf” va “Qizilqum” bir-biriga yaqin ko'rsatkich bilan beshlikdan o'rin olishgan. Safarda yuta olmagan yagona klub “Navbahor” bo'lgani etiborga molik. Namanganliklar jami 2 ochkoni qo'lga kiritishgan xolos. SHunda ham bu klub oliy ligada qolishni uddaladi va chempionatlarning barchasida o'ynab kelayotgan uch klub saqlanib qoldi.

SAFARDA

1	Lokomotiv	15	10	3	2	33-16	33
2	Bunyodkor	15	6	7	2	18-8	25
3	Buxoro	15	7	4	4	16-17	25
4	Nasaf	15	6	5	4	26-16	23
5	Qizilqum	15	7	2	6	16-16	23
6	Paxtakor	15	4	4	7	16-18	16
7	Metallurg	15	2	5	8	9-19	11
8	Mashal	15	3	2	10	10-26	11
9	So'g'diyona	15	3	2	10	12-29	11
10	SHo'rtan	15	3	1	11	21-37	10
11	Qo'qon	15	2	2	11	13-34	8
12	Neftchi	15	2	1	12	10-28	7
13	Obod	15	1	2	12	8-28	5
14	Andijon	15	1	2	12	8-32	5
15	Olmaliq	15	1	1	13	18-37	4
16	Navbahor	15	0	2	13	10-39	2

 

Behzod NAZAROV.