Xosep Gvardiola: “Bayramni vaqtincha unutishga to'g'ri keladi”

“Vensan jarohatlangan. Sabaletada kichik muammolar bor. Umid qilamanki, u ertangi mashg'ulotlarda biz bilan birga bo'ladi. Qolgan barcha futbolchilar yaxshi formada. Biz ertaga ham mashug'lotlarni o'tkazamiz va keyin Xallga yo'l olamiz. Bayram haqida vaqtincha unutishga to'g'ri keladi. Men bu borada David Silva va boshqa bir qator faxriy futbochlilar bilan gaplashdim: ular Rojdestvoning ikkinchi kunidagi o'yinlar qanchalik ahamiyat kasb etishi haqida gapirishdi.

Bir narsa aniqki, Angliya premer ligasida turnir jadvalida peshqadamlik qilayotgan va eng so'nggi pog'onani egallab turgan jamoa o'yini borasida u qadar katta farq yo'q. Meni APLda oson g'alabalar bo'lmasligi va ertangi o'yinimiz ham qiyin bo'lishi haqida ogohlantirishdi. “Xall” mavsumni yaxshi boshladi va kuchli raqib bo'lib qolaveradi. Men ularning ko'plab uchrashuvlarini tomosha qildim va bilamanki ular o'z maydonlarida faqat g'alaba uchun harakat qilishadi”, deya murabbiyning so'zlaridan iqtibos keltirmoqda klub rasmiy sayti.