64 yoshli qo'qonlik muxlis Andijonga velosipedda bordi
/ Kiritdi: BestMaster O'qilgan: 1301
Kecha Andijonda bo'lib o'tgan Andijon hamda Qo'qon-1912 jamoalari o'rtasida bo'lib o'tgan vodiy derbisi muxlislar o'rtasida yuqori qiziqishga sabab bo'ldi.
Vodiyda bo'ladigan har qanday derbini muxlislar intiqlik bilan kutishadi. Kecha esa hududiy jihatdan ham, turnir jadvalida ham bu jamoalarning qo'shni ekanligi o'yinga bo'lgan qiziqishni ikki xissa orttirdi. Qo'qonlik Malikjon Meliqo'ziev 64 yoshda bo'lishiga qaramasdan derbini o'yingohda ko'rish uchun Andijonga velosipedda yo'lga chiqdilar. Bugun Malikjon amakini Qo'qon-1912 jamoasi rahbariyati Qo'qondagi Markaziy o'yingohga taklif qilishdi.
Qiynalmadingizmi amaki? degan savolga Malikjon amaki Ertalab soat 6 da yo'lga chiqib Andijonga tushdan keyin soat 3 larda etib bordim. Andijonning Qo'qonga nisbatan biroz balandroqda joylashganligi sababli mo'ljallaganimdan biroz sekinroq etib bordim. Biroq o'yindan so'ng barcha charchoqlar esdan chiqib yana kuch-quvvatga to'lib qolganday bo'ldim. Barcha futbolchilar va murabbiylarga minnatdorchilik bildiraman. Mana shunday g'alabalar davomli bo'lsin. Sizlar g'alaba qozonib tursalaring biz muxlislar charchamaymiz, deb javob qaytardi.
Jamoa azolari jonkuyar muxlisga minnatdorchilik tariqasida Qo'qon-1912 jamoasining original futbolkasini sovg'a qilishdi. SHuningdek Malikjon amakiga navbatdagi turda bo'ladigan Olmaliq jamoasi bilan o'yinga markaziy sektordan chipta ham taqdim qilindi. Endi Malikjon amaki sevimli jamoasining safar o'yinlariga jamoa hisobidan tekinga borishi mumkinligi faxriy muxlisni behad quvontirdi. Zero futbol muxlislar uchun o'ynaladi. Biz fidoiy muxlis Malikjon amakiga sog'lik – salomatlik tilaymiz.
Akramjon Mamadaliev.
Bosh sahifaga
239