SHavkat Salomov - 2016 yil "Buxoro"ning eng yaxshi futbolchisi
/ Kiritdi: BestMaster O'qilgan: 779
Yangi yil arafasida "Buxoro" klubi rasmiy saytida, muxlislar orasida “Buxoro”ning yil futbolchisini aniqlash maqsadida so'rovnoma tashkil qilingan edi.
So'rovnomada 2016 yilda “Buxoro” sharafini himoya qilgan barcha futbolchilar ishtirok etishdi. Deyarli 25 kun davom etgan so'rovnomada jami bo'lib 1628 nafar muxlis ishtirok etdi.
Ushbu so'rovnomada muxlislarning 19% (306 nafar) o'z ovozlarini jamoa sardori SHavkat Salomovga berishdi. Bu ko'rsatgich futbolchilar orasidagi eng yuqorisi bo'ldi va SHavkat Salomov “YIL FUTBOLCHISI” unvoniga sazovor bo'ldi.
So'rovnomada Aziz Ibragimov Salomovdan keyin eng ko'p ovoz to'plagan futbolchi hisoblanadi. Ibragimovga muxlislarning 12% (189 nafar) o'z ovozlarini berishdi.
Uchinchi va to'rtinchi o'rinni Salamat Qutiboev va Alisher Sanaev band etgan. Ularga mos ravishda 157 va 149 nafar muxlis ovoz bergan.
So'rovnomaning to'liq natijalari MANA BU erda.
So'rovnomada ishtirok etgan barcha muxlislarga minnatdorchilik bildiramiz.
Bosh sahifaga
166