Eronlik hujumchi Greciyaning 43 karra chempioni safiga o'tdi
/ Kiritdi: BestMaster O'qilgan: 971
Eron terma jamoasi azosi Karim Ansarifard faoliyatini "Olimpiakos" klubi safida davom ettiradi.
Ansarifard 2015 yildan buyon Greciyaning boshqa bir klubi "Panionis" safida o'ynab kelayotgandi. O'tgan yil futbolchi Greciya Superligasining eng chiroyli goli muallifi deb topilgan edi. Hujumchining transferini "Olimpiakos" rasmiy sayti tasdiqladi.
Karim Ansarifard faoliyati davomida Eronda "Saypa", "Persepolis", "Traktor Sozi", Ispaniyada "Osasuna" klublari safida ham faoliyat olib borgan.
Eron milliy terma jamoasi tarkibida bugunga qadar 54ta o'yinda maydonga tushib 14ta gol urishga erishgan.
1925 yil tashkil topgan "Olimpiakos" klubi bugunga qadar Greciyada 43 marta chempion bo'lgan va 27 karra Greciya kubogi sohibiga aylangan. Klub ikkala musobaqada g'olib chiqish bo'yicha Greciyada mutloq rekordchi hisoblanadi. Jamoani ayni paytda Portugaliya terma jamoasi sobiq ustozi Paulu Bentu boshqarib bormoqda.
Bosh sahifaga
297