Lokomotiv PFK Temurxo'ja Abduxoliqovga omad tilaydi
/ Kiritdi: BestMaster O'qilgan: 805
O'zbekiston chempionatining 2016 yilgi mavsum to'purari, Lokomotiv klubi hujumchisi Temurxo'ja Abduxoliqov jamoamiz bilan xayrlashdi.
U temiryo'lchilar safini tark etib, Qatarning Al Sayliya klubiga yo'l oldi.
Sir emas, Lokomotivning o'tgan mavsum O'zbekiston chempioni bo'lishida, O'zbekiston Kubogi qo'lga kiritilishida, shuningdek Osiyo chempionlar ligasida chorak finalga qadar etib borishida ko'pchilik qatori Temurxo'janing ham hissasi katta bo'ldi.
U o'tgan yil barcha rasmiy musobaqalarda jami 46 marta maydonga tushib, 31ta gol urishga muvaffaq bo'ldi. Xususan Abduxoliqov oliy ligada 22ta gol urgan bo'lsa, O'zbekiston Kubogida 6ta, Osiyo chempionlar ligasi bahslarida esa uch bor to'p kiritishga muvaffaq bo'ldi.
Endilikda mohir hujumchi jamoamizni tark etib, faoliyatini Qatarda davom ettiradigan bo'ldi. U Al Sayliya bilan bir yarim yillik shartnomaga imzo chekdi. Malumot uchun, ushbu klub Qatar oliy ligasida ishtirok etadi va hozircha turnir jadvalida 11-o'rinni egallab turibdi.
Lokomotiv PFK Temurxo'ja Abduxoliqovning jamoa rivoji uchun qo'shgan hissasini unutmaydi va uning kelajakdagi faoliyatiga omad tilaydi.
Bosh sahifaga
160