Eto'Oning «Amkar» klubiga o'tgani haqidagi gap-so'zlarga oydinlik kiritildi
/ Kiritdi: BestMaster O'qilgan: 780
Ko'plab xorijiy sport sohasidagi OAVlari kamerunlik forvard Samuel Eto'O Rossiyaning «Amkar» futbol klubiga o'tganiga ishonishdi. Bu holat jamoa matbuot xizmati u, permliklar bosh murabbiyi Gaji Gajiev va jamoa libosi tasvirlangan fotosuratni taqdim etgach, ro'y berdi.
Rossiya jamoasi RFPL mavsumining ikkinchi qismiga tayyorgarlik doirasida Turkiyada yig'in o'tkazdi, Eto'O esa u erda mahalliy «Antalyaspor» klubida to'p tepadi. Aynan o'sha erda mashhur futbolchi va «Amkar» murabbiyi uchrashib qolishgan. Ular bir-birlarini Mahachqal'aning «Anji» jamoasida birga ishlashgan buyon yaxshi bilishadi.
Kamerunlik klub mehmoniga aylanib, tushlikda qatnashdi. «Amkar» futbolchilari, murabbiylari hamda menejerlari Samuelni iliq qarshi olishgan, unga 36-raqamli klub libosi hadya qilindi. Bu o'yinchining yaqin oradagi tug'ilgan kuniga ataldi.
Biroq, Britaniyaning Daily Mail nashri o'z o'quvchilariga o'yinchi RFPLga qaytgani hamda qisqa muddatli kelishuvga imzo chekkani haqida xabar tarqatgan. Boshqa bir Angliya nashri The Sun ham bu borada ma'lumotlar bergan bo'lsa, Portugaliyaning mashhur Record nashri Eto'O RFPLga qaytgani haqida ma'lum qilgan. Biroq hammasidan ham Braziliyaning Zero Hora nashri ma'lumoti o'tib tushdi – u o'yinchi klub bilan 2018 yilning yoziga qadar shartnoma imzolagani haqida xabar bergan.
Bosh sahifaga
115