Venger Benzemani sotib olishni taklif qilgan «Real»ga javob qaytardi
/ Kiritdi: BestMaster O'qilgan: 1371
Sky Sports nashri o'z manbalariga asoslangan holda 1 kun oldin «Real» o'zining frantsiyalik hujumchisi Karim Benzemani «Arsenal» va «Chelsi»ga taklif qilgani haqida xabar tarqatgandi.
Benzema o'tgan mavsumlarda «kanonirlar» jamoasiga o'tishi ehtimoli bo'lgandi, ammo bu boradagi harakatlar, asosan futbolchining bunday transferga ro'yxushlik bermasligi sababli oxiriga qadar olib borilmasdi.
Endilikda esa Arsen Venger o'z jamoasi Karim Benzemaning transferiga qiziqish bildirmayotgani haqida ma'lum qildi.
«Benzema men kabi frantsuz bo'lgani uchun uni bizning jamoaga o'tadi deyishayotgandir balki. Mish-mishlarga uning klubini tark etmoqchiligi ham sabab bo'lmoqda.
Ammo aytishim mumkinki, biz Benzema bilan shartnoma imzolash haqida o'ylayotganimiz yo'q, bizga hujumchi kerak emas. Bizda Uelbek safga qaytgan va uning o'yini yaxshilanib bormoqda», — degan Arsen Venger.
«Chelsi» esa hozircha Benzemaning ehtimoliy transferi bo'yicha bayonot bermagan. Qayd etish kerakki, bu jamoaning asosiy hujumchisi Diego Kosta mavsum oxirida Xitoy chempionatiga yo'l olishi va jamoada Benzemaga o'rin bo'shashi mumkin.
Bosh sahifaga
220