«Inter» «Yuventus»ga mag'lub bo'lib, etti g'alabadan iborat seriyasiga yakun yasadi
/ Kiritdi: BestMaster O'qilgan: 801
«Yuventus» futbol klubi Italiya A seriyasining 23-turi doirasida «Inter»ni mag'lubiyatga uchratdi. Turinda kechgan bellashuv 1:0 hisobida o'z yakuniga etdi. Shu tariqa neradzurrilarning musobaqadagi etti g'alabadan iborat seriyasiga nuqta qo'yildi.
Jamoalar birinchi bo'limda ko'plab xavfli vaziyatlarni yuzaga keltirishdi hamda bir necha bor gol urishga yaqin kelishdi. 45-daqiqada burchak zarbasidan so'ng to'p Xuan Kuadradoga kelib tushdi va u jarima maydonchasi tashqarisidan kuchli zarba berib, hisobni ochdi.
Ikkinchi bo'limda «Inter» to'pni ushlab turish bo'yicha etakchilikni qo'lga kiritgan bo'lsa, «Yuventus» qarshi hujumlarga e'tibor qaratdi va 77-daqiqada hisobni oshirishiga bir baxya qoldi, biroq Samir Xandanovich milanliklar joniga oro kirdi. Qo'shib berilgan vaqtda Ivan Perishich qizil kartochka olib maydonni tark etdi.
«Yuventus» (54 ochko) ikkinchi o'rinda borayotgan «Napoli»ni olti ballga ortda qoldirmoqda. «Inter» (42 ochko) esa oltinchi pog'onada.
Bosh sahifaga
291