Sergey Lushchan «Bunyodkor» mehmonda ortiqcha muammoga duch kelmasligini aytdi

«Bunyodkor» bosh murabbiyi Sergey Lushchan Osiyo chempionlar ligasi saralash bosqichining «Al-Jaish»ga qarshi uchrashuvi oldidan o'z fikrlari bilan o'rtoqlashdi.

Unda bosh murabbiy Sergey Lushchan va jamoa hujumchisi Eldor Shomurodov OAV vakillari savollariga javob qaytarishdi.

«Bizni juda muhim bo'lgan bahs kutib turibdi. Maydonda qanday kurash kechishidan qat'i nazar, birinchi navbatda muxlislar yutadigan o'yin bo'ladi. Uchrashuvdan keyingi kayfiyatimiz a'lo darajada bo'lishi uchun maydonda katta kuch sarflashga tayyormiz.

Pley-off uchrashuvini ilk bor safarda o'tkazyapmiz. Fikrimcha, bu jihat bizga qo'shimcha muammolar to'g'dirmaydi. «Bunyodkor» mehmonda o'ynashni juda yaxshi biladi. Imkoniyatlarni teng baholagan bo'lardim.

To'g'ri, O'zbekistonda hali chempionat uchrashuvlari boshlangani yo'q. Biroq, biz bu jihatni avvaldan inobatga olib, 7 fevraldagi bahsga maxsus reja asosida tayyorgarlik ko'rdik. Jami 12ta nazorat uchrashuvi o'tkazdik va jamoani yanada shakllantirdik. BAAdagi sharoitlar ajoyib bo'ldi. Qo'l ostimdagilar Osiyo Chempionlar ligasi musobaqasi qadrini juda yaxshi tushunishadi va buni yaxshi his etib turishibdi. Biz bahsga tayyormiz, - deya Lushchanning so'zlarini keltiradi «Bunyodkor» rasmiy sayti.

Teglar: sergey, lushchan, «bunyodkor», mehmonda, ortiqcha, muammoga, duch, kelmasligini, aytdi,
← OldingaOrqaga →