Ro'ziqul Berdiev OChLdagi raqibini qanday o'rganishgani haqida gapirib berdi
/ Kiritdi: BestMaster O'qilgan: 929
Qarshining «Nasaf» klubi bosh murabbiyi Ro'ziqul Berdiev OChL doirasidagi «Al-Fatih»ga uchrashuv oldidan o'yin borasida fikrlari bilan o'rtoqlashdi.
«Bizni murakkab o'yin kutmoqda. Sababi Saudiya Arabistonining kuchli jamoalaridan biriga qarshi o'ynashimiz kerak. Asosiy maqsadimiz keyingi bosqichga chiqish, buning uchun bo'lajak o'yinga futbolchilarimizni astoydil tayyorladik. Bor kuchimiz bilan g'alaba g'ozonish uchun harakat qilamiz.
«Al-Fatih»ning bir necha o'yinlarini ko'rib chiqdik. Jamoa kuchli tarkibga ega, futbolchilar himoyada ham, hujumda yaxshi harakat qilishadi. «Al-Fatih»ga qarshi tayyorgarlikda, raqibimizning ichki chempionatda egallab turgan o'rniga e'tibor bermadik, chunki ertaga boshqa musobaqa uchrashuvi bo'ladi. «Al-Fatih»da jamoaviy o'yin ham, o'yinchilarining individual mahorati ham yuqori. Biz bularni hammasini e'tiborga olib, futbolchilarimizga ko'rsatmalar berib borayapmiz va shu asnoda bu o'yinga tayyorgarlik ko'rdik. «Al-Hidd» bilan «Al-Fatih» o'rtasida katta farq bor, biz ertaga faqat hujumni o'ylamasdan, himoyani ham esdan chiqarmasligimiz kerak bo'ladi.
Ob-havo? To'g'risi, biz bunday qo'lay ob-havoni kutmagan edik. Hozir, bu erdagi ob-havo xuddi o'zimizni yurtimizdagidek ekan. Faqat qor yo'q.
To'g'ri, bizda milliy chempionatimiz hali boshlanmadi. Ammo, bu uchrashuvlarga ko'pdan buyon tayyorgarlik ko'rib kelayapmiz. Shuningdek rasmiy uchrashuvgacha bir qator kuchli raqiblar bilan o'rtoqlik uchrashuvlari ham o'tkazdik. O'ylaymanki, futbolchilarimiz etarli o'yin amaliyotiga ega. «Al-Fatih»ning ustunligi ular ichki chempionatda o'ynashda davom etmoqda. Ammo bo'lajak saralash o'yini bir o'yindan iborat. Ijobiy natija uchun, bor mahoratimiz va kuchimizni ishga solamiz», - deya Ro'ziqul Berdievning so'zlarini keltiradi «Nasaf» rasmiy sayti.
Eslatib o'tamiz, OChL saralashi doirasidagi «Al-Fath» va «Nasaf» jamoalari o'rtasidagi uchrashuvda 7 fevral kuni, Toshkent vaqti bilan 20:00da boshlanadi.
Bosh sahifaga
956