Prevyu: Bugun «Nasaf» va «Bunyodkor» OChL doirasida saralash uchrashuvlarida maydonga tushadi
/ Kiritdi: BestMaster O'qilgan: 1223
Bugun, 7 fevral kuni O'zbekistonning ikki klubi – Qarshining «Nasaf» va Toshkentning «Bunyodkor» jamoalari Osiyo Chempionlar Ligasi–2017 musobaqasining guruh bosqichiga chiqish maydonga tushadi.
OChL–2017 turnirini o'tish bosqichida boshlab, Bahrayn chempioni «Al-Hidd»ni 4:0 hisobida mag'lubiyatga uchratgan Qarshining «Nasaf» jamoasi Saudiya Arabistonida «Al–Fath» mehmoni bo'ladi. Mazkur bellashuv g'olibi B guruhiga yo'l oladi va «Istiqlol Huziston» (Eron), «Lahviya» (Qatar) hamda «Al-Jazira» (BAA) klubilari bilan kuch sinashadi. «Nasaf» ishtirokidagi o'yin Toshkent vaqti bilan soat 20:00da boshlanadi va Sport telekanali orqali jonli ravishda namoyish etiladi.
Uchrashuv oldidan har ikki jamoa bosh murabbilari o'z fikrlari bilan o'rtoqlashdi.
«Al-Fath» ustozi Fathi Al Jabal: «Nasaf»ga qarshi o'yinga yaxshi tayyorgarlik ko'rdik, uchrashuvda maydonga tushishi kerak bo'lgan tarkibimizni aniqlab, ularni har tomonlama o'yinga tayyorladik. Bizning maqsadimiz g'alaba qozonib, OChL guruh bosqichiga chiqish. «Nasaf»ni har tomonlama o'rganib chiqdik, jamoa OChL musobaqalarida katta tajribaga ega. Shunday bo'lsa-da, biz o'z maydonimizda – muxlislarimiz ko'z o'ngida o'ynaymiz. O'ylaymanki, bizga bu qo'shimcha kuch bag'ishlaydi.
«Nasaf» bosh murabbiyi Ro'ziqul Berdiev: «Al-Fath» Saudiya Arabistonining kuchli jamoalaridan biri. Bizlarning asosiy maqsadimiz keyingi bosqichga chiqish, buning uchun bo'lajak o'yinga futbolchilarimizni astoydil tayyorladik. Ertaga biz bor kuchimiz bilan, g'alaba uchun harakat qilamiz. Ijobiy natija uchun, ertaga bor mahoratimiz va kuchimizni ishga solamiz.
«Al-Fath» (Saudiya Arabistoni) – «Nasaf» (O'zbekiston)
7 fevral, 2017. Al-Ahsa. «Abdulla Bin Jalavi» stadioni, 20:00
Bosh hakam: Ko Xyuing Jin (Janubiy Koreya);
Qanot hakamlari: Park Sangjun, Song Bonkyun (har ikkisi Janubiy Koreya);
Zaxira hakami: Kim Vusang (Janubiy Koreya);
Hakamlar nazoratchisi: Abdul Karim Said Husayniy (Iordaniya);
Uchrashuv komissari: Kemel Tukabaev (Qirg'iziston).
Toshkentning «Bunyodkor» klubi esa Qatarda «Al-Jaish» bilan kuch sinashadi. Toshkentliklarning O'zbekiston terma jamoasi a'zosi Sardor Rashidov to'p surayotgan Qatar klubiga qarshi bahsi Toshkent vaqti bilan soat 20:15da start oladi. Ushbu o'yin Sport telekanalida kechki dasturda yozib olingan holda namoyish etiladi. «Al-Jaish» – «Bunyodkor» o'yini g'olibi C guruhida «Al-Ahli» (Saudiya Arabistoni) «Zob Ohan» (Eron) va «Al-Ayn» (BAA) klublariga ro'baro keladi.
Uchrashuv oldidan har ikki jamoa bosh murabbiylari fikrlari:
«Al-Jaish» bosh murabbiyi Sabri Lyamushi: «Bunyodkor» haqida iliq fikrlar bildirishim mumkin. Bu jamoa Osiyoning etakchi klublaridan biri. Jamoa yosh futbolchilardan tashkil topgan. «Bunyodkor»ga qarshi o'yin juda qiziqarli o'yin bo'ladi, deb o'ylayman. «Al-Jaish» kurashga tayyor. Chempionatdagi ishlarimiz yurishmayotan bo'lsa-da, Osiyo Chempionlar Ligasiga bu jihat ta'sir o'tkazmaydi. Biz uyda o'ynaymiz. G'olib esa bitta o'yin natijasiga ko'ra aniqlanadi. Shunday ekan, «Al-Jaish»da kichik ustunlik bor va bundan foydalanishga harakat qilamiz.
«Bunyodkor» ustozi Sergey Lushchan: Pley-off uchrashuvini ilk bor safarda o'tkazyapmiz. Fikrimcha, bu jihat bizga qo'shimcha muammolar to'g'dirmaydi. «Bunyodkor» mehmonda o'ynashni juda yaxshi biladi. Imkoniyatlar teng. Bo'lajak bahsga maxsus reja asosida tayyorgarlik ko'rdik. Jami 12 ta nazorat uchrashuvi o'tkazdik va jamoani yanada shakllantirdik. Qo'l ostimdagilar Osiyo Chempionlar ligasi musobaqasi qadrini juda yaxshi tushunadi va buni yaxshi his etib turishibdi. Biz bahsga tayyormiz.
«Al-Jaish» (Qatar) – «Bunyodkor» (O'zbekiston)
7 fevral, 2017. Doha. «Abdulloh bin Xalifa» stadioni, 20:15
Bosh hakam: Adham Makhadmeh (Iordaniya);
Qanot hakamlari: Ahmad Al Roalle, Issa Mahmud Al Amavi (ikkalasi Iordaniya);
Zaxira hakami: Murod Ahmad Al Zavahreh (Iordaniya);
Uchrashuv komissari: Mindu Dorji (Butan).
Bosh sahifaga
248