Ro'ziqul Berdiev: "Tarixiy g'alabaga erishdik"

"Biz tarixiy g'alabaga erishdik. Bu bilan barcha ishqibozlarimizni tabriklayman. Bugungi natija o'yinga mos bo'ldi. Stadionga kelgan muxlislarning ko'p qismi ham biz tomonda bo'ldi va biz birgalikda g'alabaga erishdik. Jizzaxliklarga ushbu ajoyib muhitni tashkil etib berishgani uchun minnatdorchilik bildiraman. Stadion mamuriyatiga o'z tashakkurlarimizni bildiramiz. Finalni neytral maydonda o'tkazishni qo'llab-quvvatlayman. Yurtimizda yangi stadionlar barpo etilmoqda va bu kabi katta inshootlarda haqiqiy bayramni tashkil etish zarur. Muxlislarga futbol bayramini taqdim etib berish lozim. Men qachon g'alabaga ishona boshladim? Ikkinchi bo'limni hujumkor ruhda boshlaganimizda men g'alabaga ishonishni boshladim. Tanaffusdan so'ng yigitlar yanada hujumkorlikni oshirishdi va bir qator golli vaziyatlarni yaratishda faollik ko'rsatdik. Birinchi bo'limda ham gol urish uchun yaxshi imkoniyatlarni yuzaga keltirgandik. Masalani ikkinchi taymda hal etdik. Ushbu yirik g'alabani men butun Qashqadaryo muxlislariga bag'ishlayman", deydi murabbiy.