O'zbekiston ayollar termasi o'rtoqlik o'yinida BAAni yirik hisobda mag'lubiyatga uchratdi
/ Kiritdi: BestMaster O'qilgan: 735
Ayni vaqtda BAAning Dubay shahrida o'quv-mashg'ulotlar yig'inini o'tkazayotgan O'zbekiston ayollar terma jamoasi kecha, 9 mart kuni BAA ayollar termasiga qarshi bahs olib bordi.
Gollarga boy kechgan o'yinda SHerali Boboqulov shogirdlari 8:1 hisobida g'alaba qozondi. Mahliyo Sarikova va Lianna Narbekova xet-trik qayd etgan bo'lsa, Lyudmila Karachik va Kamola Risqieva o'z hisobiga bittadan gol yozdirib qo'ydi.
12 mart kuni O'zbekiston ayollar termasi BAAga qarshi navbatdagi o'rtoqlik uchrashuvini o'tkazadi. Mazkur uchrashuvlar har ikki terma jamoa uchun Osiyo Kubogi–2018 saralash bosqichidagi ishtirokiga tayyorgarlik vazifasini o'taydi.
O'zbekiston ayollar terma jamoasi Osiyo Kubogi–2018 saralash bosqichi “B” guruhidan joy olgan bo'lib, final bosqichiga chiqish uchun Janubiy Koreya, Gonkong, Hindiston va KXDR ayollar termasiga qarshi bahs olib boradi.
BAA saralashning “A” guruhidan o'rin olgan hamda final bosqichi yo'lida Iordaniya, Filippin, Bahrayn, Iroq va Tojikiston ayollar terma jamoasiga qarshi kuch sinashadi.
O'rtoqlik o'yini
Dubay, BAA
9 mart, payshanba
O'zbekiston – BAA - 8:1
Gollar: Risqieva (33), Karachik (49), Narbekova (50, 56, 60), Sarikova (58, 67, 77)
O'zbekiston: Laylo Tilovova, Zumrad Nazarova, Xolida Dadaboeva, Yulduz Nabieva, Kamola Risqieva, Nozima Kamoltoeva, Maftuna SHoyimova, Feruza Turdibaeva, Mahliyo Sarikova, Lianna Narbekova, Lyudmila Karachik.
Zaxira: Maftuna Jonimkulova, Mavluda Munavvarova, Dildora Nozimova, Maxfuza Turopova, Nilufar Qudratova, Umida Zoirova, Iroda Turdalieva.
Bosh sahifaga
259