Odil Ahmedov: "O'zbekiston Rossiyaga bora oladi"

"Biz 2018 yilda Rossiyadagi mundialga bora olamiz. Orzuimiz ushalishi va ilk bor Jahon chempionatiga chiqish uchun bor kuchimizni ishga solamiz. Biz guruhdagi har bir jamoa bilan o'ynab chiqdik. Endi javob bahslari bo'ladi. Ularda g'alaba qozonishga harakat qilamiz", - deydi Odil Ahmedov.

"Eron va Janubiy Koreya Osiyoning eng kuchli jamoalari. Ammo ular bilan o'yinlarda g'olib chiqishimiz mumkin edi. Afsuski imkoniyatni boy berdik. Oldingi mag'lubiyatlar bizga dars bo'lishi kerak. Ishonch bilan o'ynasak g'alaba qozonamiz. Oldindagi 4ta o'yinda g'alaba qozonsak Rossiyaga boramiz", - deydi terma jamoa sardori.

"O'z vaqtida "Anji" safida Eto'O va Roberto Karlos bilan o'ynaganman. Ularning ikkalasi ham ajoyib o'yinchilar havas qilsa arziydigan futbolchilar. Bu futbolchilar orqali men yanada professional bo'ldim. Rossiya chempionatidagi faoliyatim orqali men katta tajriba va bilimlarga ega bo'ldim. Premer-ligada jahon yulduzlari o'ynashadi. SHu bois klublar o'rtasidagi raqobat juda yuqori. Bu erda ayniqsa jismonan kuchayishga erishdim", - deydi o'zbekistonlik futbolchi.

"Men Jahon chempionatiga borishni juda xohlayman. Sababi mundial Rossiyada bo'ladi. Faqat bu safar O'zbekiston terma jamoasi safida bu erda o'ynashni istayman. Bu ajoyib bo'lardi", - deydi Odil Ahmedov FIFA.COM saytiga.

Narzulla Saydullaev tarjimasi