Futzal. O'FA elon qilgan tanlovning 1-bosqichi bo'lib o'tdi
/ Kiritdi: BestMaster O'qilgan: 815
Xabaringiz bor, bu yil ilk bor futzal bo'yicha U-20 Osiyo chempionati bo'lib o'tadi.
Ushbu musobaqa 16-26 may kunlari Tailand mamlakatida o'tkaziladi.
O'zbekiston futzal Associaciyasi ana shu musobaqaga munosib tayyorgarlik ko'rish maqsadida yosh o'yinchilar uchun tanlov elon qilgan edi. 11 mart kuni Toshkentdagi "O'zbekiston" sport majmuasida ana shu tanlovning birinchi bosqichi bo'lib o'tdi. Uni O'zbekiston U-20 terma jamoasi bosh murabbiyi Xose Mariya Mendezning shaxsan o'zi o'tkazdi. Tanlovda 1997, 1998 va 1999 yillarda tug'ilgan yoshlar qatnashishdi.
Tanlovda 202 nafar yigitlar ishtirok etishdi. Ularning to'rtdan biri o'sha kunning o'zida alohida ajratib olindi. Yakunda ulardan 16 nafari ikkinchi bosqich uchun saralab olindi. 15 mart kuni "O'zbekiston" sport majmuasida ana shu 16 ishtirokchi bilan mashg'ulot olib borildi. Janob Mendez ikkinchi bosqichda yoshlar terma jamoasi yig'iniga jalb qilinadigan o'yinchilarni saralab oladi.
Bugungi kunda futzali rivojlangan mamlakatlar bu metodikadan doimiy tarzda foydalanib kelmoqda.
Bosh sahifaga
253