Kamoliddin Murzoev: "Laureat bo'lish men uchun yoqimli syurpriz bo'ldi"

- Umuman eng yaxshi futbolchi bo'lishingizni kutganmidingiz?
-  Men uchun bu kutilmagan syurpriz bo'ldi.

- Futbolchi uchun shu kabi etiroflar qanchalik yoqimli? Bu sizga qo'shimcha kuch yoki motivaciya beradimi?
- Bu futbolchi uchun katta yutuq albatta. Qilayotgan mehnatlarning samarasi deb bilaman. Lekin shu bilan birgalikda to'xtab qolmaslik kerak. Kamida shu mavqeini saqlab qolish lozim. Bu kabi etiroflar futbolchi uchun yanada yaxshiroq o'ynashiga katta motivaciya beradi.

- "Dinamo"da o'yiningiz ochilib ketishini asosiy omili nimada deb o'ylaysiz?
- Murabbiy ishonchi, jamoadoshlarim bilan iliq munosabat. Bu menga maydonda ko'proq erkinlik bermoqda. SHuningdek, men yana o'z joyimda, nominal hujumchi sifatida o'ynamoqdaman. SHu boisdan ham gol urishim, jamoaga ko'proq foyda keltirishim yaxshi tomonga o'zgardi deb o'ylayman. Eng asosiysi omillardan biri esa bu omad. Futbolchi uchun omad juda kerakli va muhim narsa.

- "Dinamo" Oliy ligada jon saqlab qoladimi?
- Buning uchun qo'limizdan keladigan barcha ishni amalga oshiramiz.

- Tasavvur qilaylik, "Dinamo" mabodo Oliy ligadan tushib ketdi. SHunda jamoada keyingi mavsum ham qolgan bo'larmidingiz?
- Bu haqida hayolimga ham keltirmadim. Yaxshisi oliy ligada qolaylik, shunisi hamma uchun yaxshi bo'lardi. Men hali o'sishim kerak, shu jihatdan olib qaraganda, birinchi liga haqida o'ylash noo'rin.

- Oliy ligadagi eng kuchli 5 nafar futbolchi nomini ayting...
- Jasur Hasanov (katta), Lutfulla To'raev, Artur Gevorkyan, Igor Sergeev va SHuhrat Muhammadiev.

- Siz uchun qaysi darvozabonga gol urish qiyin kechdi?
- "Neftchi" posboni CHeremesin bu mavsumda men uchun chinakamiga bosh og'riq bo'ldi.

- Oyning eng yaxshi futbolchisi bo'lganingiz bilan sizni birinchi bo'lib kim tabrikladi?
- "Nasaf"da birga ishlagan do'stim Aziz Nuriy meni birinchi bo'lib tabrikladi.

- Bu yutuqni kimga bag'ishlaysiz?
- Oila azolarimga va aynan sentyabr oyida tug'ilgan o'g'lim Islomga bag'ishlayman.

SHahboz Beg'amov suhbatlashdi.