Javohir Sidiqov: "G'uzordagi g'alabani muxlislarimizga bag'ishlaymiz"
/ Kiritdi: BestMaster O'qilgan: 1028
Oliy liga 8-turidan o'rin olgan “SHo'rtan” – “Qo'qon-1912” o'yinidan so'ng, uchrashuvning eng yaxshi o'yinchisi deb topilgan Javohir Sidiqov o'z fikrlari bilan o'rtoqlashdi.
- Bugungi o'yin qiyin bo'lishini avvaldan bilgan edik. CHunki “SHo'rtan” jamoasi qanday kuchga ega ekanligini o'z maydonida bo'lib o'tgan “Paxtakor” va “Lokomotiv” jamoalariga qarshi o'yinlarda ko'rsatib qo'ygan edi. SHuning uchun bu bahsga jiddiy tayyorgarlik ko'rdik. Bugun bizgayam mezbonlarga ham g'alaba zarur edi. “SHo'rtan” o'z muxlislari qarshisida mag'lub bo'lishni istamasdi. Biz esa mag'lubiyatsiz seriyamizni davom ettirishni istar edik.
Bunday muvaqqiyatlarimizni birgina omadga bog'lash xato deb o'ylayman. Bu yutuqlarni zamirida murabbiylarimiz va futbolchilarimizning katta mehnatlari yotibdi. Aytishadiku omad kuchlilarga boqadi deb. Bugungi g'alabamizni jonkuyar muxlislarimizga bag'ishlaymiz. Ularning qo'llab-quvvatlashlari natijalarimizda katta ahamiyatga ega.
- Eng yaxshi o'yinchi bo'lishimni to'g'risi kutmagan edim. O'z o'yinimdan 100 foiz qoniqqanim yo'q. Asta – sekin formaga kirib boryapman. Murabbiylarim va muxlislarimiz ishonchini oqlashim shart – deydi Javohir Sidiqov.
Bosh sahifaga
161