"Barselona"ni haqorat qilgan ispan klubi prezidenti 3,5 ming evro jarima to'laydi

2017-05-12 10:50:08 / Kiritdi: BestMaster O'qilgan: 832

Zo'ravonlik va irqchilikka qarshi Ispaniya davlat komissiyasi "Barselona"ni haqorat qilgan ispan klubi prezidentiga 3,5 ming evro jarima soldi.

Bu jarimani "Malaga" prezidenti Abdulla bin Nosir Al-Tani to'laydi.

Oldinroq Kataloniya klubi muxlisi Al-Tanidan "Tvitter" orqali "Real"ni LaLiganing so'nggi turida mag'lub etishni so'ragan edi. Al-Tani esa arab tilida quyidagicha javob berdi: "Yaratgan yordami bilan "Real"ni taslim etamiz. Ammo Kataloniya yuvindilari Michel haqidagi yolg'ondan so'ng chempionatda g'alaba tamini his qilishmaydi". Keyinroq "Barselona" rahbariyati Al-Tani so'zlari borasida rasmiy bayonot berdi. Ko'k-anorranglilar bu borada etiroz bildirishdi.

"So'zlarim Michel "Real"ga yutqazib berishi haqida yozgan Kataloniya matbuotiga qaratilgan edi. Buni hazm qilib bo'lmaydi, biz yutqazib bermaymiz. Matbuotdan kechirim so'rashlarini istayman" - deydi Al-Tani.

"Malaga" bosh murabbiy Migel Michel "Real" sobiq futbolchisi hisoblanadi.

LaLiga turnir jadvali bilan tanishing.

Teglar: barselonani, haqorat, qilgan, ispan, klubi, prezidenti, ming, evro, jarima, tolaydi,
← Oldinga Orqaga →