Mo'ydin Mamazulumov: "Sehrli tayoqcha" vazifasini bajardim va bundan xursandman"

2017-05-13 12:30:01 / Kiritdi: BestMaster O'qilgan: 949

Farg'onada bo'lib o'tgan “Neftchi” – “Obod” bahsidan so'ng mezbonlar hujumchisi Mo'ydin Mamazulumov o'z fikrlari bilan o'rtoqlashdi.

- Uydagi ilk g'alaba juda zarur edi. CHunki mavsum boshidan beri Farg'onada g'alaba qozona olmayotgan edik. SHu sabablimi, bilmadim, yigitlar biroz hayajon bilan o'ynashdi. Bugun men qandaydir manoda “sehrli tayoqcha” vazifasini bajardim va bundan xursandman. Oxirgi paytlar zahiradan maydonga tushayotganim bois o'zimni ko'rsatishga astoydil harakat qildim va gol urishga muvaffaq bo'ldim. Hujumchini vazifasi gol urish. Men hamisha maydonga gol uraman deb tushaman. Bugun o'z niyatimga etdim.

“Obod” – yaxshi jamoa. Ular Farg'onaga yaxshi tayyorgarlik bilan etib kelishgani ko'rinib turibdi. Faqat toshkentliklarga biroz tajriba etishmayapti deb o'ylayman. Uchrashuvda bizni qo'llab-quvvatlagan muxlislarga ham rahmat, - dedi Mamazulumov.

Behruzbek Holiqov suhbatlashdi

Teglar: moydin, mamazulumov, sehrli, tayoqcha, vazifasini, bajardim, bundan, xursandman,
← Oldinga Orqaga →