Aleksandr Lobanov: “Durang adolatli bo'ldi”

Ushbu turda “Bunyodkor” o'zu uyida “Paxtakor”ni qabul qildi va 1:1 hisobida durang natija qayd etdi. Uchrashuvdan so'ng “sherlar” klubi darvozaboni Aleksandr Lobanov o'z fikrlari bilan o'rtoqlashdi.

“Hech qachon derbi uchrashuvlari oson bo'lmaydi. Ushbu bahsda “Bunyodkor” ham biz ham g'alaba qozonishimiz mumkin edi. Afsuski bugun biz g'alaba qozona olmadik. “Qaldirg'ochlar”ga qarshi o'yinda biroz omadimiz kelmadi. Bizni qo'llab-quvvatlab turish uchun stadionga tashrif buyurgan muxlislarimizga raxmat aytmoqchiman. Qanchalik yaxshi o'yin ko'rsatsak muxlislarimiz bizga ishonishda davom etadi, bu biz uchun juda ham muhim. O'yin jixatidan olib qaraydigan bo'lsak, durang adolatli bo'ldi. Bugun muxlislar ikki xil futbol guvohi bo'lishdi. 

Birinchi bo'limda biz ustun kelgan bo'lsak ikkinchi bo'limda raqiblarimiz bizdan ko'ra kuchliroq o'yin namoyish etishdi. Agarda uchrashuvdagi bo'limlar bilan hisoblaydigan bo'lsak ushbu bahs teng kurashlar ostida o'tdi, deb o'ylayman. Raqib darvozasini ishqol qilishimiz uchun bir qator vaziyatlarni yaratdik, afsuski ulardan faqat bittasidan foydalandik xolos. Yaratilgan har bir imkoniyatdan 100 foiz foydalib bo'lmaydi. 1 ochkoni qo'lga kiritgan bo'lsak ham bundan mamnunmiz”, - deydi “Paxtakor” klubi darvozaboni Aleksandr Lobanov.

Jahongir Sotvoldiev suhbatlashdi