Xose Mariya Mendez: "Mo'g'ulistonni engib yarim finalga chiqmoqchimiz"
/ Kiritdi: BestMaster O'qilgan: 996
Tailandda davom etayotgan futzal bo'yicha U-20 Osiyo chempionatida bugun chorak finab bahslari start oladi.
O'zbekiston yoshlar terma jamoasi Mo'g'ulistonga qarshi o'ynaydi. Uchrashuvdan oldin Xose Mariya Mendez o'z fikrlarini bildirdi.
"Biz musobaqaga qadar Mo'g'uliston haqida ko'p narsa bilmasdik. Ammo ularning o'yinlarini ko'rgach tarkibda mahoratli futzalchilar borligiga amin bo'ldik. Mo'g'ulistonning Xitoyga qarshi bahsi ayniqsa yaxshi bo'ldi.
Akbar Usmonov musobaqada 7ta gol urdi, ammo bizda aniq bir etakchi yo'q. Biz jamoaviy tarzda kuchlimiz. Mo'g'ulistonni engib yarim finalga chiqmoqchimiz. Yarim finalga chiqish uchun ikkala jamoada imkoniyat bor. O'z uslubimizda o'ynab g'alaba qozonishga urinamiz", - deydi Xose Mariya Mendez.
Eslatib o'tamiz, O'zbekiston - Mo'g'uliston uchrashuvi bugun, 22 may kuni Toshkent vaqti bilan soat 17:00da boshlanadi.
Bosh sahifaga
167