Aleksandr Xomyakov: “Birinchi davradan keyin Zafar To'raevning jamoada qolish yoki qolmasligini ko'rib chiqamiz”
/ Kiritdi: BestMaster O'qilgan: 899
“Qizilqum” – “Mashal” (2:0) uchrashuvidan keyin o'tkazilgan matbuot anjumanida dastlab muborakliklar ustozi Aleksandr XOMYAKOV o'yin haqidagi fikrlari bilan o'rtoqlashdi.
-Uchrashuvning dastlabki 30 daqiqasini yaxshi o'tkazdik, xolos. Raqib bizdan hayiqdimi yoki boshqa sababmi gol urish uchun bir necha vaziyatlarni yarata oldik. Ammo ulardan foydalana olmadik. Mezbonlar esa tanaffus oldi gol urib imkoniyatlarini yaxshilab olishdi. Tarkibda mahoratli futbolchilar jamlangani ularga qo'l keldi. Biz esa irodasiz o'yin ko'rsatdik. Umuman olganda mag'lubiyatga asosiy aybdor o'zimman: sababi tarkib tanlashda adashdim. Buning uchun jamoamiz muxlislaridan uzr so'rayman.
-Ikkinchi bo'lim boshida jamoa sardori Zafar To'raevni alishtirdingiz. Bu uni birinchi taym oxirida olgan jarohati bilan bog'liqmi yoki boshqa sababi bormi?
-Agar futbolchi hamma maydonga chiqib, og'ir va mashaqqatli mehnatdan qochadigan bo'lsa, biz ularning o'rniga ko'zi yonib turgan yoshlarni maydonga tushiramiz. Birinchi davradan keyin uning jamoada qolish yoki qolmasligini ko'rib chiqamiz.
Bugun hujumdagi futbolchilarimizning harakatlaridan hayratdaman. Ular o'zlariga bildirilgan ishonchni oqlay olishmadi.
Bosh sahifaga
260