Bugun futbol. "Paxtakor" o'zini Kubokdan chiqib ketishga majbur qilgan "Nasaf"ni qabul qiladi
/ Kiritdi: BestMaster O'qilgan: 823
Bugun oliy liganing 14-tur bahslariga start beriladi. Muxlislar Toshkentda "Paxtakor" - "Nasaf" uchrashuvi guvohi bo'lishadi.
"Paxtakor" O'zbekiston Kubogi bahslarini "Nasaf" tufayli tark etdi. "Nasaf" birinchi o'yinni "Paxtakor" stadionida 3:0 hisobida o'z foydasiga hal qilgani ko'pchilikning yodida bo'lsa kerak. Endi jamoalar oliy liga o'yinida bir-birlarini sinovdan o'tkazishadi.
Ikkala jamoa ham mavsumni ikki xil o'tkazmoqda. "Nasaf" 23 ochko bilan 2-o'rinda borayotgan bo'lsa, "Paxtakor" 18 ochko to'plagan va 8-o'rinni egallab turibdi.
"Paxtakor" hozircha o'z maydonida beshta g'alabaga erishgan va ikki bor mag'lub bo'lgan. To'plar nisbati 11-7. Jamoa hali durang o'ynamagan. "Paxtakor" uy bellashuvlarida 15 ochkoni qo'lga kiritgan.
Bilasizmi? "Paxtakor" o'z maydonidagi oxirgi uch uchrashuvni g'alaba bilan yakunladi. Poytaxtliklar "Navbahor", "Buxoro" va "So'g'diyona"dan ustun kelishdi. Qizig'i "Paxtakor" shu o'yinlarda avvaliga bitta, keyin ikkita, uchinchisida uchta gol urdi.
"Nasaf" hozircha safarda ettita o'yinda maydonga tushgan bo'lsa, shundan ikkitasida g'olib chiqqan. Berdiev shogirdlari safarda "Qo'qon-1912" va "SHo'rtan"dan ustun kelishgan. SHuningdek, ikkita o'yinda durang va uch marta mag'lubiyat qayd etilgan.
Bilasizmi? "Nasaf" ketma-ket besh o'yindan beri safarda g'olib chiqa olmayotgandi, biroq o'tgan turda jamoa "SHo'rtan"ni mag'lub etib qaytdi.
Bosh sahifaga
303