Franciyalik Goran Jerkovich "Mashal" safiga qo'shildi
/ Kiritdi: BestMaster O'qilgan: 1317
Muborakning "Mashal" klubi davralar oralig'ida o'z safga legioner hujumchini qo'shib oldi.
"Futbol Ekspress" nashri xabariga ko'ra 1986 yilda Franciyaning Lion shahrida tug'ilgan futbolchi transfer oynasining so'nggi kunida "Mashal" bilan shartnoma tuzdi. Saytimiz orqali bir necha kun oldin bu haqda xabar bergan edik.
Bu futbolchi Franciyada "Lion-Duchere", Belgiyada "SHarllerua", Litvada "Jalgiris" va "Tauras", Eronda "Istiqlol", Tailandda "Buriram Yunayted", "Bangkok Glass" va "Armi Yunayted", Serbiyada "Spartak Subotica" kabi klublarda o'ynagan. Jami 114ta o'yinda raqiblar darvozasiga 62ta gol urgan.
Jerkovich 2012 yil "Istiqlol" safida "Hafzi kubogi"ni qo'lga kiritdi. "Buriram Yunayted" safida 2012 yil Tailand Futbol Associaciyasi kubogi va Tailand liga kubogini qo'lga kiritgan. O'sha yil futbolchi Tailand Futbol Associaciyasi kubogi to'purari bo'lgan.
Eslatib o'tamiz, 2012 yilgi mavsumda oliy ligamizda franciyalik legioner Bindi Mustafo to'p tepgandi. Bu futbolchi "Lokomotiv" tarkibida 6ta o'yinda maydonga tushib 1ta gol urgandi.
Bosh sahifaga
560