"Navbahor" birinchi davrani ketma-ket sakkiz o'yinda g'alaba qozonmay tugatdi
/ Kiritdi: BestMaster O'qilgan: 977
Aksariyat klublar uchun oliy liganing birinchi davrasi o'z yakuniga etdi. Kecha "Nasaf"dan 0:4 hisobida mag'lub bo'lgan "Navbahor" mavsumning birinchi yarmini 11-o'rinda tugatdi.
Qolaversa, "Navbahor" ketma-ket sakkiz o'yinda g'alaba qozona olmadi. Jamoa so'nggi bor o'z maydonida "SHo'rtan"ni 1:0 hisobida mag'lub etgandi. Keyin "Navbahor" Toshkentda "Paxtakor" mehmoni bo'ldi va hammasi shundan boshlandi . Umuman kulguli avtogol tufayli jamoa yutqazib qo'ydi.
Bu o'yindan so'ng namanganliklar ketma-ket to'rtta uchrashuvda durang o'ynashdi. SHu duranglardan uchtasi uydagi bahslarda qo'lga kiritildi. Jamoa o'z maydonida "Lokomotiv", "Qo'qon-1912" va "Bunyodkor" qarshiligini enga olmadi. Mo'minjonov shogirdlari safarda "Nasaf" va "So'g'diyona"ga imkoniyatni boy bergan bo'lishsa, uyda "Olmaliq" bilan yana durang o'ynashdi.
"Navbahor" o'z maydonidagi o'yinlarda mag'lub bo'lmadi: uch g'alaba, besh durang. To'plar nisbati 10-7. Safarda esa "Navbahor" faqat bitta bahsda zafar quchdi. Namanganliklar 4-turda "Dinamo"ni mag'lub etib qaytishdi.
Bosh sahifaga
180