Vali Sultonov shogirdlari turnir g'olibi
/ Kiritdi: BestMaster O'qilgan: 743
Urganch shahridagi “Yoshlik” sport majmuasi stadionida havaskor jamoalar o'rtasida O'zbekiston Respublikasining Birinchi Prezidenti I.Karimov xotirasiga bag'ishlangan Xorazm viloyati ochiq turniri bo'lib o'tdi.
Bir hafta davom etgan mazkur musobaqada Xorazm vohasidan 15 ta, Qoraqalpog'iston respublikasidan bitta jamoa ishtirok etdi. Uchrashuvlar avvaliga to'rt guruhda olib borildi. So'ngra, har bir guruhda dastlabki ikki o'rinni egallagan jamoalar chorak final juftliklarini hosil qilishdi.
Ushbu bosqichning dastlabki bellashuvida Urganch shahrida faoliyat yuritayotgan Sport o'yinlari va engil atletikaga ixtisoslashtirilgan bolalar va o'smirlar sport maktabining “Yoshlik” va “Umid nihollari-2018” jamoalari o'zaro kuch sinashdi. Qiziqarli kechgan bu o'yinda muxlislar 7 ta bir-biridan chiroyli gollar guvohiga aylanishdi. Yakuniy natijaga ko'ra, “Yoshlik” futbolchilarining qo'li baland keldi Ular 4:3 hisobida zafar quchishdi.
CHorak finalning qolgan o'yinlari quyidagicha nihoyasiga etdi: “Jayhun”(Hazorasp tumani)-“SHifokor”(Hazorasp tumani)-2:0, UrDU(Urganch shahri)–UOZK(Urganch shahri)-2:0, “Yoshlik”(Xiva tumani)–“SHabboz”(Beruniy tumani, Qoraqalpog'iston) - 6:2.
Mubolag'a emas, yarim final uchrashuvlari ham qiziqarli lahzalarga boy bo'ldi. Bu bosqichda urganchning “Yoshlik” jamoasi UrDUni ishonchli tarzda mag'lubiyatga uchratdi, 3:1. Ikkinchi juftlikda esa “Jayhun” jamoasi azolari xivalik futbolchilarni 2:0 hisobida dog'da qoldirishdi.
Sport o'yinlari va engil atletikaga ixtisoslashtirilgan bolalar va o'smirlar sport maktabining “Yoshlik” va Hazorasp tumanining “Jayhun” jamoalari o'rtasida kechgan hal qiluvchi uchrashuvning asosiy vaqtida g'olib aniqlanmadi, hisob 2:2 ko'rinish oldi. Natijada, qo'shimcha vaqt belgilandi. Unda Xorazm vohasining taniqli murabbiyi Vali Sultonov ustozlik qilayotgan “Yoshlik” jamoasi futbolchilari g'alabaga bo'lgan irodalarini to'la namoyish etib, uchinchi to'pni hazoraspliklar darvozasiga yo'llashga muvaffaq bo'lishdi, 3:2. Ushbu yutuq viloyat markazi futbolchilariga ilk marta o'tkazilgan turnir shohsupasining birinchi pag'onasini egallash imkonini berdi. To'plarini urganchliklar safidan Bobur Rahimberganov, Siroj Xo'jaev va Habibulla Matyoqubovlar kiritishdi.
O'z navbatida “Jayhun” jamoasiga ikkinchi o'rin nasb etgan bo'lsa, yarim final ishtirokchilari Xiva tumanining “Yoshlik” va UrDU jamoalari tashkilotchilar tomonidan uchinchi o'ringa loyiq ko'rildi.
Quyidagi futbolchilar turnirning nominaciya bo'yicha “Eng yaxshi”lari nomiga sazovor bo'lishdi:
Eng yaxshi darvozabon – Qadam Vapaev(UrDU).
Eng yaxshi himoyachi – Bekzod Qurbonniyozov(UrDU).
Eng yaxshi yarim himoyachi – Ilyos Xayrov(“Jayhun”).
Eng yaxshi hujumchi – SHodlik Rahmatullaev(“Jayhun).
Eng yaxshi futbolchi – Bobur Rahimberganov(“Yoshlik”).
Eng yaxshi yosh futbolchi – Habibulla Matyoqubov(“Yoshlik”).
Ikrom XUDOYBERGANOV.
Ushbu bosqichning dastlabki bellashuvida Urganch shahrida faoliyat yuritayotgan Sport o'yinlari va engil atletikaga ixtisoslashtirilgan bolalar va o'smirlar sport maktabining “Yoshlik” va “Umid nihollari-2018” jamoalari o'zaro kuch sinashdi. Qiziqarli kechgan bu o'yinda muxlislar 7 ta bir-biridan chiroyli gollar guvohiga aylanishdi. Yakuniy natijaga ko'ra, “Yoshlik” futbolchilarining qo'li baland keldi Ular 4:3 hisobida zafar quchishdi.
CHorak finalning qolgan o'yinlari quyidagicha nihoyasiga etdi: “Jayhun”(Hazorasp tumani)-“SHifokor”(Hazorasp tumani)-2:0, UrDU(Urganch shahri)–UOZK(Urganch shahri)-2:0, “Yoshlik”(Xiva tumani)–“SHabboz”(Beruniy tumani, Qoraqalpog'iston) - 6:2.
Mubolag'a emas, yarim final uchrashuvlari ham qiziqarli lahzalarga boy bo'ldi. Bu bosqichda urganchning “Yoshlik” jamoasi UrDUni ishonchli tarzda mag'lubiyatga uchratdi, 3:1. Ikkinchi juftlikda esa “Jayhun” jamoasi azolari xivalik futbolchilarni 2:0 hisobida dog'da qoldirishdi.
Sport o'yinlari va engil atletikaga ixtisoslashtirilgan bolalar va o'smirlar sport maktabining “Yoshlik” va Hazorasp tumanining “Jayhun” jamoalari o'rtasida kechgan hal qiluvchi uchrashuvning asosiy vaqtida g'olib aniqlanmadi, hisob 2:2 ko'rinish oldi. Natijada, qo'shimcha vaqt belgilandi. Unda Xorazm vohasining taniqli murabbiyi Vali Sultonov ustozlik qilayotgan “Yoshlik” jamoasi futbolchilari g'alabaga bo'lgan irodalarini to'la namoyish etib, uchinchi to'pni hazoraspliklar darvozasiga yo'llashga muvaffaq bo'lishdi, 3:2. Ushbu yutuq viloyat markazi futbolchilariga ilk marta o'tkazilgan turnir shohsupasining birinchi pag'onasini egallash imkonini berdi. To'plarini urganchliklar safidan Bobur Rahimberganov, Siroj Xo'jaev va Habibulla Matyoqubovlar kiritishdi.
O'z navbatida “Jayhun” jamoasiga ikkinchi o'rin nasb etgan bo'lsa, yarim final ishtirokchilari Xiva tumanining “Yoshlik” va UrDU jamoalari tashkilotchilar tomonidan uchinchi o'ringa loyiq ko'rildi.
Quyidagi futbolchilar turnirning nominaciya bo'yicha “Eng yaxshi”lari nomiga sazovor bo'lishdi:
Eng yaxshi darvozabon – Qadam Vapaev(UrDU).
Eng yaxshi himoyachi – Bekzod Qurbonniyozov(UrDU).
Eng yaxshi yarim himoyachi – Ilyos Xayrov(“Jayhun”).
Eng yaxshi hujumchi – SHodlik Rahmatullaev(“Jayhun).
Eng yaxshi futbolchi – Bobur Rahimberganov(“Yoshlik”).
Eng yaxshi yosh futbolchi – Habibulla Matyoqubov(“Yoshlik”).
Ikrom XUDOYBERGANOV.
Bosh sahifaga
191