Nazorat uchrashuvi. “Mashal” – “Andijon” 2:0
/ Kiritdi: BestMaster O'qilgan: 747
Avval xabar berganimizdek, bugun Usmon Toshev boshqaruvidagi “Andijon” jamoasi Toshkentda navbatdagi sinov-nazorat uchrashuvida maydonga tushdi.
Bu safargi sparring-raqibimiz oliy liga vakili “Mashal” jamoasi edi. “Jar” stadionining mashg'ulot maydonida o'tgan bahsda muborakliklar 2:0 hisobida zafar quchdi. Avvaliga Zohir Qo'ziboev hisobni ochgan bo'lsa, keyinchalik Humoyun Murtazoev ham o'z hisobiga gol yozdirib qo'yishga erishdi. Garchi futbolchilarimizda bir necha bor gol urish uchun imkoniyatlar yuzaga kelgan bo'lsada, yakunda hisob boshqa o'zgarmadi. Mazkur uchrashuv orqali murabbiylar shtabi futbolchilarning imkoniyatlarini yana bir bor ko'zdan kechirib oldi.
“Andijon”: Akmal Ortiqov, Ravshan Aslanov, Hamza Karimov (Abdulaziz Yoqubov), Siroj Hamroev (Qahramon Mahamadjonov), Furqat Hasanboev, Farhod Bekmuratov (Jahongir Mahsudov), Ibrohim Otaxonov (Maqsud Mahmudov), Sobir Hamidov (Firdavs Asadov), Akmal Xolmatov (Oybek Nurmatov), SHahboz Jumaboev (Rafik Karimov), Anvar Berdiev (Alisher Abduvohidov).
Mazkur uchrashuvdan so'ng futbolchilarga qisqa muddatli dam berildi. 3 avgust kuni jamoa azolari klub qarorgohida yig'iladi va chempionatga so'nggi tayyorgarlik yana Andijonda bo'lib o'tadi.
“Andijon” matbuot xizmati.
Bosh sahifaga
213