Ahmedov: "Rossiyaga boshqa qaytmayman"
/ Kiritdi: BestMaster O'qilgan: 1159
"Anji" va "Krasnodar" sobiq yarim himoyachisi, hozirda "SHanxay SIPG" sharafini himoya qilayotgan Odil Ahmedov "Arsenal" va "Nicca"ga o'tishi mumkin bo'lgani haqida aytib berdi.
"2011 yilda "Arsenal"ga o'tishim mumkin edi. Men rozi edim, kim ham bunday klubda o'ynashni istamaydi? Ammo o'shanda "Anji" bilan shartnoma tuzdim va maxachkalaliklar meni qo'yib yuborishmadi. CHunki Evropa darajasidagi klub yaratmoqchi edik.
Yana bir necha yil oldin APL klubidan taklif bo'ldi. Oldinroq esa "Nicca" meni chaqirdi. "Krasnodar" bu jamoa bilan Evropa ligasida o'ynagan. Bu uchrashuvlarda franciyaliklar meni kuzatgan bo'lsa kerak. Mavsum yakunlanishi bilan "Nicca" "Krasnodar"ga taklif bilan chiqdi.
Ammo, afsuski, "Krasnodar" bilan shartnomam bor edi, franciyaliklar taklif qilgan pul esa Rossiya klubini qanoatlantirmadi. Buni tushunaman. Xitoyga o'tishim hammani qoniqtirdi - "Krasnodar"ni ham. O'z futbolchisini 500 mingga emas, balki 5 mln.ga sotgan yaxshiroq-ku, tug'rimi? Rossiyaga boshqa qaytmayman deb o'ylayman. "SHanxay"dan so'ng vatanimda o'ynashni istayman. To'g'risini aytsam, Xalk ham Rossiyaga qaytmasa kerak" - deydi Odil Ahmedov.
Bosh sahifaga
282